Video Viral : टाटा बाय बाय केक खतम..! दोस्तांची करामत अन् बड्डे बॉयचा चेहरा पाहण्यासारखा

दरवर्षी आपल्या आयुष्यात येणारा विशेष दिवस म्हणजे आपला वाढदिवस. वाढदिवसाच्या दिवशी प्रत्येकजण एवढा खूश असतो की, वर्षातल्या दुसऱ्या कोणत्याच दिवशी तो एवढा खूश नसतो. या दिवशी अनेक मित्रांकडून गिफ्ट येत असतात. तर अनेकजण भेटून शुभेच्छा देतात, केक कापला जातो, पार्टी होते वगैरे वगैरे.

पण केक कापायच्या आधी त्याला फस्त करणारे मित्र आपण कधीच पाहिले नसतील किंवा आपल्यासोबतही असा प्रयोग कधी घडला नसेल. सध्या असा एक व्हिडिओ व्हायरल झाला असून केक कापायच्या आधी बाजूला उभ्या असलेल्या मुलांनी केक संपवला आहे. हा व्हिडिओ पाहून आपल्याला हसू आवरणार नाही.

हा केक मुलांनी संपवल्यानंतर बर्थडे बॉयचा चेहरा सुकला आहे. तो नाराज झाल्याचं दिसत आहे. पण केक कापण्याअगोदर केक हाताने तोडून खाणारे मुलं आपणही पहिल्यांदाच पाहत असाल. मेणबत्ती विझवल्यानंतर क्षणात या मुलांनी केक संपवला असून हा व्हिडिओ सोशल मीडियावर चांगलाच व्हायरल होत आहे.

दरम्यान, इंस्टाग्रामवर शेअर करण्यात आलेल्या या व्हिडिओला आत्तापर्यंत जवळपास ५० हजार लोकांनी लाईक केलं असून अनेकांनी त्यावर आपल्या प्रतिक्रिया व्यक्त केल्या आहेत. "ही मुलं कुठून आणली रे, यांना कधी केक भेटला होता की नाही?" अशा विनोदी कमेंट नेटकऱ्यांनी या व्हिडिओवर केल्या आहेत.