सुराला सूर भिडता...; गायन करणारी मांजर पाहिलीय का? Video होतोय Viral

आपल्या अनेकांच्या घरात पाळीव प्राणी असतात. काहीजण तर पाळीव प्राण्याला घरातील कामे शिकवत असतात. पण सध्या व्हायरल झालेल्या व्हिडिओमध्ये एक मांजर थेट गायन करताना दिसत आहे. हे वाचून तुम्हाला विश्वास बसणार नाही पण हा व्हिडिओ इंस्टाग्रामवर शेअर करण्यात आला असून हा प्रकार पाहून तुम्हालाही धक्का बसेल.

व्हायरल होत असलेल्या व्हिडिओमध्ये एक मांजर गायन करत आहे. एक व्यक्ती घरात गाणं गुणगुणत असताना ती त्याच्या सुराला सूर देते. गाण्याच्या बोलानुसार मांजरीने लावलेले सूर ऐकून तुम्हीसुद्धा आश्चर्यचकित व्हाल. तर या मांजराला गायन शिकवले असावे अशी शक्यता नेटकऱ्यांकडून व्यक्त करण्यात येत आहे.

दरम्यान, montassar_may या अकाऊंटवरून हा व्हिडिओ शेअर करण्यात आलाय. तर नेटकऱ्यांनी यावर मजेशीर प्रतिक्रिया व्यक्त केल्या आहेत. १५ लाखांपेक्षा अधिक नेटकऱ्यांनी या व्हिडिओला पसंती दर्शवली आहे. व्हिडिओवर नेटकऱ्यांनी व्यक्त केलेल्या प्रतिक्रिया पाहून आपल्यालही हसू आवरणार नाही.