Video Viral : "असे डॉक्टर पाहिजेत, नाहीतर आमच्यावेळी हातपाय बांधून इंजेक्शन द्यायचे"

आपल्याला इंजेक्शनची भिती वाटते का हो? कधी आजारी पडलो किंवा काहीतरी दुखापत झाली तर सर्वांनाच हॉस्पिटलमध्ये जावं लागतं आणि त्यावेळी इंजेक्शन ही सर्वांत घाबरवणारी गोष्ट समोर येते. इंजेक्शनची सुई पाहिली की अनेकांच्या काळजात धस्स होते. आपल्यालही अनेकदा हॉस्पिटलमध्ये गेल्यानंतर इंजेक्शनची भिती वाटली असेल.

सध्या एका डॉक्टरांंचा व्हिडिओ सोशल मीडियावर चांगलाच व्हायरल झाला आहे. त्यामध्ये ते दोन लहान बाळांना इंजेक्शन देताना दिसत आहेत. पण त्यांची इंजेक्शन द्यायची पद्धत पाहून आपल्यालाही समाधान वाटेल.

इंजेक्शन दिल्याचं त्या लहान चिमुकल्यांना कळत सुद्धा नाही असं कसब या डॉक्टरांनी मिळवलं आहे. सदर डॉक्टर अगोदर या लहान मुलांना गाणे म्हणत हसवायला लावतो आणि त्यांच्यासोबत ओळख बनवतो. त्यानंतर त्यांच्या नकळत त्यांना काहीही त्रास होऊ न देता इंजेक्शन देतो. हा व्हिडिओ सध्या चांगलाच व्हायरल झाला आहे.

दरम्यान, "असे डॉक्टर पाहिजे, नाहीतर आमच्यावेळी आम्हाला हातपाय धरून इंजेक्शन द्यायचे, मग खाली कितीही बोंबललं तरी काही घेणं देणं नव्हतं, किती गोड लेकरं आहेत हे, या लेकरांना इंजेक्शन कसं देतात हे कळत नाहीये आणि आता टॅक्स कसा कट होतोय हे कळत नाहीये." अशा वेगवेगळ्या प्रकारच्या कमेंट नेटकऱ्यांनी केल्या आहेत. तर हा व्हिडिओ मोठ्या प्रमाणावर शेअर केला जात असून नेटकऱ्यांनी या व्हिडिओला पसंती दर्शवली आहे.