Viral Video : थोडीशी दारू प्यायचीय पप्पा...; दारूसाठी लेकरू ढसाढसा रडलं

लहान मुलं विचारांच्या बाबतीत खूप स्पष्ट असतात. एखाद्या गोष्टीबाबत ते अगदी मनात येईल ते बोलत असतात. तर व्हायरल होत असलेल्या व्हिडिओमध्ये एक मुलगा आपल्या वडलांना दारू मागत असून ढसाढसा रडत आहे. हा व्हिडिओ सध्या सोशल मीडियावर चांगलाच व्हायरल होत आहे.

हेही वाचा - सीमावादात रक्त सांडायला मराठी माणूसच का?

"थोडीशी दारू पीनी है" असं म्हणत हा चिमुकला ढसाढसा रडताना दिसत आहे. फक्त सात ते आठ वर्षाचा मुलगा दारू मागताना पाहून आपल्यालाही कुतूहल वाटेल आणि हसूही येईल. या व्हिडिओवर नेटकऱ्यांनी मजेशीर कमेंट केल्या आहेत. तर अनेकांनी हा व्हिडिओ लाईक केला आहे.

दरम्यान, मुलं हे मोठ्यांची कृती आत्मसात करत असतात. त्याच्या समोर कुणीतरी दारू पित असेल म्हणून त्याला दारू पिण्याची उत्सुकता लागली आणि न मिळाल्यामुळे तो आपल्या पालकांसमोर रडताना आपल्याला दिसत आहे. पण लहान मुलांना दारूपासून दूर ठेवण्याचा प्रयत्न प्रत्येक पालकाने केला पाहिजे.