पुराच्या पाण्यातून गाडी घालणे बेतले जीवावर; दुचाकीसह शेतकरी गेला वाहून | Video Viral

गेवराई : सध्या राज्यातील विविध ठिकाणी अवकाळी पावसाने हजेरी लावल्यामुळे बऱ्याच नद्यांना पूर आला आहे. बेमोसमी पावसामुळे शेतकऱ्यांना मोठ्या प्रमाणावर मनस्ताप सहन करावा लागत असून पिकांचे मोठ्या प्रमाणावर नुकसान झाले आहे. सध्या पुरात वाहून जाणाऱ्या शेतकऱ्याचा एक व्हिडिओ व्हायरल झाला आहे.

व्हायरल होत असलेला व्हिडिओ बीड जिल्ह्यातील गेवराई येथील असून एक शेतकरी पुराच्या पाण्यात वाहून जाताना दिसत आहे. एका नदीच्या पुलावरून पुराचे पाणी वाहत असतानाही हा शेतकरी पुलावरून गाडी घालण्याचं धाडस करतो आणि पुराच्या पाण्याच्या प्रवाहात वाहत जाताना तो दिसत आहे.

दरम्यान, तो जाण्याच्या आधी नदीच्या तिरावरील अनेकांनी शेतकऱ्याला पुराच्या पाण्यात न जाण्याचा सल्ला दिला पण शेतकऱ्यांनी दुचाकीसह पुराच्या पाण्यात जाण्याचं धाडस दाखवलं आणि ते जीवावर बेतलं. त्यामुळे पुराच्या पाण्यातून प्रवास करताना प्रत्येकाने काळजी घ्यायला पाहिजे. प्रवाह मोठा असेल तर पुरात जाणे टाळायला हवं.