Viral Video : याला म्हणतात नवरदेव! बायकोसाठी केलं असं काही...

सोशल मीडियावर अनेक विनोदी व्हिडिओ व्हायरल होत असतात. सध्या असाच एक व्हिडिओ सोशल मीडियावर व्हायरल झाला असून त्यामध्ये एक नवरदेव नव्याने लग्न झालेल्या आपल्या नवरीला मदत करताना दिसत आहे. हा व्हिडिओ नीट बघितला तर आपल्याला समजेल.

व्हायरल होत असलेला व्हिडिओ लग्न झाल्यानंतर केल्या जाणाऱ्या विधीचा असून लग्न झाल्यानंतर रंगाच्या पाण्यातील नाणं नवरदेव आणि नवरीला एकत्रीत शोधावं लागतं. या खेळामध्ये रंगाच्या पाण्यातील नाणं नवरदेवाच्या हाती लागतं पण तो ते नाणं नवरीकडे ढकलतो आणि तिच्या हाताला हे नाणं लागतं. त्यानंतर नवरीसुद्धा खूष होते.

आपल्या जोडीदाराला आपल्या बरोबरीच स्थान देऊन तिला कुठेतरी कमीपणा वाटू नये यासाठी या नवरदेवाने जे कृत्य केलं ते खूप काही शिकवून जातं. त्यामुळे सध्या हा व्हिडिओ सोशल मीडियावर चांगलाच व्हायरल झाला आहे. तर प्रत्येकाला आयुष्यात असा जोडीदार मिळावा अशा कमेंट नेटकऱ्यांनी केल्या आहेत.