Gujrat: 4 दिवसांपूर्वी दुरूस्त केलेला पूल कोसळून अनेक ठार; भयानक Video Viral

गांधीनगर : गुजरातमध्ये मुरबी येथील मच्छू नदीवरील केबल पूल कोसळल्याने अनेकजण मृत्यूमुखी पडल्याची घटना घडली आहे. तर या दुर्घटनेमध्ये अनेकजण जखमी झाल्याची माहिती आहे. तर दुर्घटना घडली त्यावेळी पुलावर 400 ते 500 लोकं असल्याची माहिती स्थानिकांनी दिली आहे. तर बचावकार्य सुरू असल्याची माहिती NDRF च्या जवानांनी दिली आहे.

(Gujrat Cable Bridge Collapse Latest News)

दरम्यान, या घटनेचे भयानक व्हिडिओ सध्या समोर आले असून यामध्ये अनेक लोकं आपला जीव वाचवत असल्याचं दिसतंय. तर काहीजण पोहत पोहत पाण्याच्या बाहेर जात आहेत. तर काहीजण तुटलेल्या पुलावरून वर चढत असताना या व्हिडिओमध्ये दिसत आहेत.

दरम्यान, या दुर्घटनेतील मृतांच्या नातेवाईकांना गुजरात राज्य सरकारकडून ४ लाख रूपयांची मदत तर जखमींना ५० हजार रूपयांची मदत देण्यात येणार आहे. त्याचबरोबर या दुर्घटनेतील मृतांच्या नातेवाईकांना केंद्र सरकारकडून २ लाखांची मदत जाहीर केली गेली आहे.