Shocking News: द्यायचा होता बकऱ्याचा बळी पण गमवावा लागला चिमुकल्याला जीव...

Jharkhand: झारखंडच्या गुमला जिल्ह्यात धक्कादायक घटना घडली आहे. दुर्गा पूजा चालू असताना नवमीच्या दिवशी बकऱ्याचा बळी दिला जात होता. मात्र बकऱ्याला कापत असताना धारदार शस्त्र तुटून तीन वर्षाच्या चिमुकल्यावर जाऊन पडलं. धारदार शस्त्र अंगावर पडताच चिमुकला गंभीर जखमी झाला. त्याला रूग्णालयात नेले असता डॉक्टरांनी त्याला मृत घोषित केले. या हृदयद्रावक घडनेने चिमुकल्याच्या कुटुंबियांवर दु:खाचा डोंगर कोसळलाय.

तिसऱ्या बकऱ्याचा बळी देत असताना घडली घटना

अनेक वर्षांपासून गुमला या गावाक दुर्गा पूजा मंडपात बकऱ्याचा बळी देण्याची परंपरा आहे. त्याप्रमाणे दोन बकऱ्यांचा बळी दिल्यानंतर तिसऱ्या बकऱ्याचा बळी देताना धारदार शस्त्र तुटून बकऱ्याच्या मानेवरून थेट मुलावर जाऊन आदळले. दिपक उराव असे या तीन वर्षीय मुलाचे नाव आहे. धारदार शस्त्र त्याला लागताच जखमी चिमुकल्याचा काही क्षणातच मृत्यू झाला होता.

या धक्कादायक घटनेनंतर संपूर्ण गावात चिमुकल्याविषयी हळहळ व्यक्त केली जातेय. तसेच हा तीन वर्षीय चिमुकला त्यांच्या कुटुंबियांचाही लाडका होता. त्यामुळे कुटुंबियांची रडून रडून वाईट अवस्था झाली आहे.