Viral Video: रस्त्यावर आले पुराचे पाणी, ट्रॅक्टरने ओढावी लागली बस

राज्यात पावसाने थैमान घातलंय. त्यासाठी अनेक ठिकाणच्या रस्त्यावर पाणी आल्याने नागरिकांचे हाल झाले आहेत. तर अनेक ठिकाणी रस्त्यावरील पुलाचे नुकसान झाल्याच्या घटना घडल्या आहेत. रस्त्यावर पाणी आल्याने पुणे नाशिक महामार्गावरील एक बस ट्रॅक्टरने ओढण्याची वेळ आली आहे. सदर घटनेचा व्हिडिओ सध्या व्हायरल झाला आहे.

दरम्यान, व्हायरल होत असलेल्या व्हिडिओमध्ये एक बस पुराच्या पाण्यात अडकली आहे. तर रस्त्यावरून इतर वाहने पुढे जात आहेत. या बसला काढण्यासाठी एका ट्रॅक्टरला बोलावले गेले असून रस्सीने बांधून या बसला बाहेर काढण्यात आले आहे. तर हा व्हिडिओ सध्या व्हायरल होत असून अनेकांकडून शेअर केला जात आहे.

राज्यात अनेक ठिकाणी पावसामुळे रस्त्यावर पाणी आल्याने वाहतुकीचा खोळंबा झालाय. त्यामुळे जनजीवन विस्कळीत झाल्याचं पाहायला मिळालं आहे. तर पावसामुळे राज्यातील अनेक शेतकऱ्यांचे नुकसान झालंय. सोयाबीन, कापूस, भाजीपाला पिके, फळबागांचे मोठे नुकसान झाले आहे.