Video Viral : टॉयलेटमध्ये लपला होता किंग कोब्रा; रेस्क्यूचा थरार कॅमेऱ्यात कैद

साप किंवा नाग हे नाव जरी ऐकलं तरी अनेकांच्या अंगावर काटा येतो. सापांची भिती वाटणे साहजिकच आहे पण साप अचानक दिसला तर ती भिती जास्त असते. साप कुठेही लपतात. सध्या असाच एक व्हिडिओ सोशल मीडियावर व्हायरल झाला असून टॉयलेटमध्ये साप लपल्याचं यामध्ये दिसत आहे.

व्हायरल होत असलेल्या व्हिडिओमध्ये एक कोब्रा टॉयलेटच्या भांड्यामध्ये लपून बसला आहे. तर एक सर्पमित्र त्याला बाहेर काढताना दिसत आहे. त्याला काढत असताना त्याने अचानक फणा काढलेला पाहून आपल्या अंगावर काटा येईल. तर घरातून बाहेर आणून त्याने त्याला बरणीत भरून सोडून दिलं आहे.

दरम्यान, इंस्टाग्रामवरील snake_naveen या अकाऊंटवरून हा व्हिडिओ शेअर करण्यात आला असून या व्हिडिओला आत्तापर्यंत २५ हजार लोकांनी लाईक केलं आहे. यावर नेटकऱ्यांनी आपल्या प्रतिक्रिया व्यक्त केल्या असून आपण घरातील अनेक कोपरे चेक करून पाहिले पाहिजेत असे सल्ले नेटकऱ्यांनी दिले आहेत.