Viral Video : हातात सिगारेट घेत तरूणींनी केला राष्ट्रगीताचा अपमान

भारताचे राष्ट्रगीत कुठेही वाजले तरी आपण सावधान स्थितीत उभे राहतो. तर सावधान अवस्थेत उभे न राहता कुणीच राष्ट्रगीताचा अपमान करत नाही. पण सध्या सोशल मीडियावर एक व्हिडिओ व्हायरल होत असून त्यामध्ये दोन मुली सिगारेट ओढत असताना भारताच्या राष्ट्रगीताचा अपमान करताना दिसत आहेत.

व्हायरल होत असलेल्या व्हिडिओमधील मुली या कोलकत्ता येथील असून त्या हसत, खिंदळत जन गन मन... असं म्हणत राष्ट्रगीताचा अपमान करत आहेत. राष्ट्रगीत म्हणत असताना त्या सिगारेटही दाखवत आहेत. त्यांच्या या व्हिडिओवर अनेक नेटकऱ्यांनी संताप व्यक्त केला असून त्यांच्यावर कारवाईची मागणी केली आहे.

दरम्यान, राष्ट्रगीताचा चुकीचा उल्लेखही या तरूणींकडून केला जात असल्यामुळे अनेकांनी या दोन मुलींना अटक करण्याची मागणी केली आहे. तर हा व्हिडिओ अनेकांनी आपल्या सोशल मीडियावरून शेअर केला आहे.