Viral Video : पट्टा समजून हातात घेतला साप अन् केली हाणामारी; व्हिडिओ पाहून झोप उडेल

सोशल मीडियावर अनेक वेगवेगळे व्हिडिओ व्हायरल होत असतात. पण साप, अजगर, मगर अशा प्राण्याचे व्हिडिओ पाहून आपल्या अंगावर काटा येतो. साप पाहिला की आपल्या पायाखालची जमीन सरकते. पण साप हातात घेऊन व्यक्तीने एका व्यक्तीला मारलेलं आपण कधी ऐकलं नसेल. सध्या असाच एक व्हिडिओ सोशल मीडियावर व्हायरल झाला आहे.

व्हायरल होत असलेला व्हिडिओ पाहून आपल्या अंगावर काटा येईल. या व्हिडिओमध्ये एक व्यक्ती रस्त्याच्या मधोमध एका व्यक्तीला मारहाण करताना दिसत आहे. पण त्याच्या हातात काठीऐवजी साप आहे. तो व्यक्ती सापाने समोरच्याला मारहाण करत आहे. हे पाहून आपली झोप उडेल.

दरम्यान, हा प्रकार सुरू असताना पोलिसांची गाडी घटनास्थळी दाखल होते आणि त्यानंतर आरोपी आपल्याला पोलिसांच्या स्वाधीन करतो. पण तो मारहाण का करत होता याचे कारण अजून समोर आले नाही. या व्हिडिओवर अनेकांनी मजेशीर कमेंट केल्या असून हा व्हिडिओ मोठ्या प्रमाणावर शेअर केला जात आहे.