Video Viral : On Duty रिल्स पडलं महागात; महिला कंडक्टर निलंबित

उस्मानाबाद : सध्या एका महिला कंडक्टरला कामावरून निलंबित करण्यात आल्याची घटना घडली आहे. ऑन ड्युटी रील्स बनवल्याने तिला कामावरून काढून टाकल्याचं समोर आलं आहे. एसटी महामंडळाची प्रतिमा मलीन केल्याचं सांगत महामंडळाने या महिला कर्मचाऱ्याला निलंबित केलं आहे.

(Lady Conductor Reel Viral Video)

उस्मानाबाद जिल्ह्यातील कळंब आगारामध्ये या महिला कर्मचारी कार्यरत होत्या. त्या इंस्टाग्राम रील्स बनवून शेअर करत होत्या. त्यांचे अनेक व्हिडिओ लोकांनी शेअर केले आहेत. या व्हिडिओला सोशल मीडियात प्रचंड प्रसिद्धी मिळत आहे. त्या महामंडळाच्या गणवेशावर व्हिडिओ शूट करत असून महामंडळाची प्रतिमा मलीन केल्याचा ठपका त्यांच्यावर ठेवण्यात आला आहे. त्याचबरोबर त्यांचा व्हिडिओ शूट करणाऱ्या सहकाऱ्यावरही कारवाई करण्यात आली आहे.

दरम्यान, अनेकदा कर्मचारी ऑन ड्युटी रील्स शूट करून व्हायरल करत असतात. त्यामुळे कधीकधी ते ट्रोल होतात तर कधीकधी त्यांना सपोर्ट केला जातो. तर या महिला कर्मचाऱ्याला निलंबित केल्यावर अनेक जणांनी संताप व्यक्त करत महामंडळाला धारेवर धरले आहे.

गणेशोत्सवादरम्यान पोलिसांनी डान्स केल्यामुळे अनेक लोकांनी त्यावर आक्षेप घेतला होता. तर त्यांना पम जीव आहे, त्यांनी पोलिसांच्या गणवेशात नाचलं म्हणून काय झालं असं म्हणत अनेकांनी त्यांच्या बाजूने आपले मत मांडले होते.