Viral : मांजर पाळताय? सावधान! आधी मालकावर हल्ला करणाऱ्या मांजराचा 'हा' Video पाहा

आपल्यापैकी अनेकांच्या घरात पाळीव प्राणी असतील. कुत्रे, मांजर, ससे तर परदेशात वाघ, सिंह, हरिण जंगली प्राणी सुद्धा पाळण्यास परवानगी आहे. काहीजण पाळीव प्राण्यांना खूप जीव लावतात. तर काहीजण कुत्र्यांना घरातली कामं शिकवत असतात. पण काहीवेळा पाळीव प्राण्याने आपल्याच मालकावर हल्ला केल्याच्या धक्कादायक घटना घडल्या आहेत.

सध्या असाच एक व्हिडिओ व्हायरल झाला असून त्यामध्ये एक मांजर आपल्याच मालकावर जबर हल्ला करताना दिसत आहे. @Craxyclipsonly या ट्वीटर अकाऊंटवरून हा व्हिडिओ शेअर करण्यात आला असून पतीपत्नी घरात काम करत असताना मांजर व्यक्तीवर अचानक हल्ला करताना दिसत आहे.

मांजराने हल्ला केल्यानंतर सदर व्यक्ती सुरूवातील आश्चर्यचकित होतो. पण नंतर तो मांजरापासून बचावण्यासाठी प्रयत्न करू लागतो. सदर व्यक्तीची पत्नीसुद्धा त्याला मांजराच्या हल्ल्यातून थांबवण्यासाठी प्रयत्न करते. पण शेवटी हे चिडलेले मांजर आपला हल्ला थांबवत नाही. हा व्हिडिओ सोशल मीडियावर चांगलाच व्हायरल झाला असून अनेकांनी त्यावर आपल्या प्रतिक्रिया व्यक्त केल्या आहेत.

दरम्यान, काहीव पाळीव प्राणी अचानक आपल्याच मालकावर हल्ला करत असतात. कुत्र्याने आपल्याच मालकावर हल्ला केल्याच्या अनेक घटना घडल्या आहेत. तर पाळीव प्राण्याच्या हल्ल्यामध्ये अनेकांना आपला जीवही गमवावा लागला आहे. त्यामुळे प्राणी पाळताना काळजी घ्यायला हवी.