Viral Video : आयुष्याचा खरा जोडीदार! आजी-आजोबांचा व्हिडिओ पाहून भावूक व्हाल

लग्न झाल्यानंतर आपल्या जोडीदाराला आयुष्यभर साथ देणे खूप महत्त्वाचे असते. सध्या अनेक दांम्पत्याचे घटस्फोट होताना आपण पाहतो. पण जगात असे अनेक जोडपे आहेत ते एकमेकांना कोणतीही तक्रार न करता साथ देत असतात. कोणत्याही संकटात एकमेकांच्या पाठीशी असतात. सध्या अशाच एका वृद्ध जोडप्याचा व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये एक आजोबा ट्रेनने प्रवास करत असतात. या प्रवासादरम्यान ते आपल्या आजारी असलेल्या पत्नीला आपल्या हाताने घास भरवताना दिसत आहेत. तर हा व्हिडिओ पाहून नेटकरी भावूक झाले आहेत. आयुष्याचा जोडीदार असावा तर असा अशा कमेंट नेटकऱ्यांनी केल्या आहेत.

दरम्यान, इंस्टाग्रामवर शेअर करण्यात आलेल्या या व्हिडिओला अनेकांनी शेअर केलं असून ५ लाख ७५ हजार लोकांनी या व्हिडिओला लाईक केलं आहे. नेटकऱ्यांनी या व्हिडिओर आपल्या प्रतिक्रिया व्यक्त केल्या आहेत. सध्या हा व्हिडिओ सोशल मीडियावर चांगलाच व्हायरल झाला आहे.