Trending News : महिलेच्या कानात कोळ्याने थाटला संसार; घटना ऐकून अंगावर काटाच येईल!

चीनमधल्या एका महिलेला विचित्र आवाज ऐकू येत होता. तसंच तिचा कानही दुखत होता. त्यामुळे ती डॉक्टरकडे गेली. तेव्हा एक धक्कादायक गोष्ट समोर आली. हे पाहून डॉक्टरही थक्क झाले.

डॉक्टरांनी तपासणी केल्यानंतर कळलं की, या महिलेच्या कानात एका कोळ्याने आपलं बस्तान बसवलं होतं. डॉक्टरांनी या महिलेच्या कानावर उपचार केले आणि या सगळ्या प्रक्रियेचा व्हिडीओही शूट केला आहे. कानामध्ये या कोळ्याने जाळं विणलं होतं, तेही या व्हिडीओमध्ये पाहता येत आहे.

NDTV ने याबद्दलची माहिती दिली आहे. या महिलेची एन्डोस्कोपी करण्यात आली आणि एका चिमट्याच्या साहाय्याने या महिलेच्या कानातला कोळी आणि त्याचं जाळं काढून टाकण्यात आलं आहे. हुईडाँग कन्ट्री पीपल्स हॉस्पिटलमध्ये ही शस्त्रक्रिया करण्यात आली. डॉक्टरांनी कानात पाहिलं तर त्यांना तिथे एक जाळं दिसलं. डॉक्टरांनी हे जाळं काढून टाकण्याचा प्रयत्न केला. (Latest News)

मात्र, हे जाळं काढताच एन्डोस्कोपीच्या ट्युबवर अचानक कोळ्याने हल्ला केला. तेव्हा कळलं की या जाळ्याच्या मागे कोळी आपलं बस्तान बसवत होता. हा कोळी सुदैवाने विषारी नव्हता. या कोळ्यामुळे महिलेच्या कानाला थोडी इजा झाली आहे. डॉक्टरांनी सर्वांना काळजी घेण्याची आणि कोणतीही शंका आल्यास त्वरीत वैद्यकीय सल्ला घेण्याचं आवाहन केलं आहे.