Viral Video : भरधाव दुचाकीवर मध्यरात्री जोडप्याचा रोमान्स; पोलिसांनी दिला दणका

गाझियाबाद : उत्तरप्रदेशमध्ये एका रस्त्यावर जोडप्याने रोमान्स केल्याचा व्हिडिओ सोशल मिडियावर व्हायरल झाला आहे. इंदिरापुरम येथील NH9 वरील हा व्हिडिओ असून मध्यरात्री साडेबाराच्या दरम्यान हा प्रकार घडला आहे. तर हा व्हिडिओ व्हायरल झाल्यानंतर पोलिसांनी यावर कारवाई केली आहे.

व्हायरल झालेल्या व्हिडिओमध्ये एक जोडपे हायवेवरून जाताना रोमान्स करताना दिसत आहे. गाडी चालकाच्या पुढे तरूणी पाठीमागे तोंड करून बसली असून तिने गाडी चालकाला मिठी मारली आहे.

चालकही भरधाव वेगाने गाडी चालवत असून हा बाजूने जाणाऱ्या एका चारचाकी गाडीतील व्यक्तीने हा व्हिडिओ शूट केला आहे. टूर ट्रॅव्हर ऑपरेटर शुधांशू यांनी हा व्हिडिओ शूट केल्याची माहिती आहे.

दरम्यान, व्हिडिओ व्हायरल झाल्यानंतर उत्तरप्रदेश वाहतूक पोलिसांनी या वाहनावर कारवाई करत वेगवेगळे कारणे दाखवून तब्बल २१ हजारांचा दंड ठोठावला आहे. २० जून रोजी रात्री ही घटना घडली असून पोलिसांनी यावर अधिकचा तपास सुरू केला आहे. तर या व्हिडिओवर अनेकांनी आपल्या प्रतिक्रिया व्यक्त केल्या आहेत.