बंदी असूनही हॉटेलमध्ये हे काय सुरू होते? तपासणी करताच पोलीसांना धक्काच

rainforest 1.jpg
rainforest 1.jpg

नाशिक / इगतपुरी : संपूर्ण देशात व राज्यात कोरोनाचा वाढता प्रादुर्भाव बघता केंद्र सरकारने व राज्य शासनाने हॉटेल उघडण्यावर बंदी घातली असताना शासकीय आदेशाला केराची टोपली दाखवत तालुक्‍यातील हॉटेलमध्ये धक्कादायक प्रकार सुरू असल्याचा प्रकार उघडकीस आला.

काय घडले नेमके?

कोरोनाच्या पार्श्वभूमीवर केंद्र सरकारने व राज्य शासनाने हॉटेल उघडण्यावर बंदी घातली असताना शासकीय आदेशाला केराची टोपली दाखवत तालुक्‍यातील हॉटेल सुरू असल्याचा प्रकार शनिवारी उघडकीस आला. रेन फॉरेस्ट हॉटेल सुरू असल्याची माहिती मिळताच इगतपुरी पोलिसांनी घटनास्थळी जात कारवाई केली. या हॉटेलमध्ये 28 व 29 जूनला लग्नाचे बुकिंग होते. यानिमित्ताने 50 ते 60 वऱ्हाडी दाखल झाले होते. या लग्नासाठी आपण शासनाची रीतसर परवानगी घेतली असल्याची माहिती हॉटेल व्यवस्थापकाने दिली. या वेळी हॉटेलात आलेल्या वाहनांची पोलिसांनी तपासणी करून दंडात्मक कारवाई केली. तसेच हॉटेलवर कलम 188 नुसार कारवाई केली. 

वऱ्हाडी व त्यांच्या वाहनांवर दंडात्मक कारवाई

कोरोना काळात हॉटेल व तत्सम व्यवसाय बंद असताना तालुक्‍यातील विविध रिसार्ट, हॉटेल बिनधास्त सुरू असल्याचे चित्र आहे. ही बाब स्पष्ट झाली ती तालुक्‍यातील बलायदुरी येथील रेन फॉरेस्ट हॉटेलवर इगतपुरी पोलिसांनी शनिवारी (ता. 27) टाकलेल्या कारवाईनंतर. या ठिकाणी थांबलेले सुमारे 60 वऱ्हाडी व त्यांच्या वाहनांवर दंडात्मक कारवाई करत त्यांना सोडण्यात आले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com