'दिवाळीच्या आतच नुकसानग्रस्त शेतकऱ्यांना मदत मिळणार' - राधाकृष्ण गमे

नाशिक रोड : नाशिक विभागातील शेतकऱ्यांचे पंचनामे पूर्ण झाले असून, नाशिक, धुळे, नंदुरबार, जळगाव या चार जिल्ह्यांत मिळून पाच लाख ८८ हजार ४६८ शेतकऱ्यांच्या जमिनी बाधित झाल्या आहेत. जिरायती, बागायती व फळपिकांचे मोठ्या प्रमाणावर नुकसान झाल्यामुळे दिवाळीच्या आतच नुकसानग्रस्त शेतकऱ्यांना मदत दिली जाणार असल्याची माहिती नाशिक महसूल विभागाचे आयुक्त राधाकृष्ण गमे यांनी ‘सकाळ’ला दिली.

शेतजमिनींची तीन टप्प्यांत वर्गवारी
 
दिवाळी सण आता तोंडावर येत आहे, त्यातच महसूल विभागात शेतकऱ्यांना मदत देण्यासाठी हालचाली व कृती आराखडा आखला जात आहे. मंत्रालयातून येणाऱ्या शासनाच्या निर्देशानुसार जिरायती शेतजमिनी, बागायती शेतजमिनी आणि फळपीक असणाऱ्या शेतजमिनींची तीन टप्प्यांत वर्गवारी करण्यात आलेली असून, प्रत्येक जिल्ह्याला अनुदानही ठरविण्यात आलेले आहे. २६६६४.९१ इतक्या रुपयांची मागणी चार जिल्हे मिळून करण्यात आली असून, लवकरच याची कार्यवाही होईल. 

हेही वाचा > काय बोलावं आता! जेव्हा न्यायाधिशांच्याच घरी होते चोरी; मुळासकट पुरावे नष्ट

चार जिल्ह्यांची बाधित शेतकरीसंख्या 

नाशिक ४,३२,६८८ 
धुळे ४३,०२४ 
नंदुरबार ४३,७२२ 
जळगाव ६९,०३४ 
एकूण : ५८,८४,६९८  

हेही वाचा >  एक हात बिबट्याच्या जबड्यात, तरीही चिमुकला थेट भिडलाच; 12 वर्षांच्या गौरवची धाडसी झुंज