BREAKING : चिंताजनक! मालेगावात कोरोनाचा थैमान सुरूच.. आणखी ५ कोरोना पॉझिटिव्ह

नाशिक :  दिवसेंदिवस कोरोनाच्या रुग्णात होत असलेली वाढ पाहता आता आणखी एक चिंताजनक बातमी आहे. मालेगावात आणखी ५ रुग्णांचे कोरोना पॉझिटिव्ह वाढले आहेत. सकाळी नाशिकमध्ये ४ पॉझिटिव्ह आल्याने जिल्ह्यात दिवसभरात १४ नवीन पॉझिटिव्ह आढळले आहेत. आता नाशिक जिल्ह्यात कोरोनाबधितांचा आकडा ७९ आहे.

नाशिक जिल्ह्याची संख्या आता 79 वर

जिल्ह्यात शुक्रवारी (ता. 17) मालेगावचे 14 जण कोरोनाबाधित असल्याचे रिपोर्ट आले होते. तर, शनिवारी (ता. 18) नाशिक शहरात आणखी चार कोरोना पॉझिटिव्ह रुग्णांचे रिपोर्ट प्राप्त झाले.त्यानंतर मालेगावमध्ये आणखी ५ रुग्ण वाढल्याने जिल्ह्याची संख्या आता ७९ वर पोहोचली आहे.

नाशिक शहरातही कोरोनाबाधितांच्या संख्येत चारने वाढ

नाशिक शहरातही कोरोनाबाधितांच्या संख्येत चारने वाढ झाली आहे. दोन दिवसांपूर्वी अंबड, संजीवनगर वसाहतीतील वृद्ध महिला कोरोनाबाधित निष्पन्न झाली. त्यामुळे तिच्या घरातील नातलगांना ताब्यात घेत त्यांचे स्वॅब तपासणीसाठी पाठविले होते. त्यामध्ये तिचे मुंबई व पुण्याहून आलेल्या दोन मुलांसह चौघांचे कोरोनाचे रिपोर्ट पॉझिटिव्ह आले आहेत. त्यामुळे जिल्ह्यातील कोरोना बाधितांची संख्या 79 वर जाऊन पोहोचली आहे. 

हेही वाचा > संतापजनक! कोरोनाबाधित रूग्णाचा अंगावर थुंकण्याचा प्रकार..अँम्ब्युलन्स चालकाला मारहाण
 
तिसऱ्या रिपोर्टची प्रतिक्षा 
दरम्यान, गेल्या 4 एप्रिल रोजी कोरोना पॉझिटिव्ह रुग्ण नाशिक शहरात गोविंदनगर येथे आढळून आला होता. शहरातील तो पहिला रुग्ण होता. जिल्हा रुग्णालयात तो दाखल होता. 14 दिवसांच्या उपचारानंतर 15 व्या दिवसाचे स्वॅब तपासणीतून निगेटिव्ह प्राप्त झाले आहेत. तर 16 व्या दिवसाचा तिसरा रिपोर्ट अद्याप प्रलंबित आहे. या रिपोर्टची आरोग्य विभागाला प्रतिक्षा असून, हाही रिपोर्ट निगेटिव्ह आल्यास त्यांना जिल्हा रुग्णालयातून डिस्चार्ज केले जाऊन राहत्या घरी 14 दिवस होम क्वारंटाईन केले जाईल.

VIDEO : जेव्हा विश्वास नांगरे पाटलांना आदेश मिळतो "तुम्ही बाहेर सीपी असाल, पण इथले 'एसीपी' आम्ही आहोत"!