नाशिक / म्हसरूळ ः कोरोनाच्या प्रादुर्भावामुळे लॉकडाउन अन् लॉकडाउनचा सर्वच संस्थांना फटका बसला आहे. प्रादेशिक परिवहन कार्यालयाच्या (आरटीओ) महसुलात गतवर्षीच्या तुलनेत या वर्षी ४६ कोटी रुपयांची घट झाली आहे. एप्रिल ते जुलै २०२० पर्यंत आठ हजार वाहन नोंदणी झाली आहे. यातून २६ कोटी रुपये महसूल जमा झाला आहे.
प्रादेशिक परिवहन कार्यालयात नवीन वाहन नोंदणी, चारचाकी व वाहतूक वाहन परवाना नूतनीकरण, आकर्षक क्रमांक, कच्चा परवाना, पक्का परवाना, वाहन हस्तांतरण, फ्लाइग स्कॉड आदी माध्यमातून महसूल जमा होतो. यात सर्वाधिक महसूल नवीन वाहन नोंदणीतून जमा होतो. गतवर्षी नवीन दुचाकी, चारचाकी, ट्रान्स्पोर्ट वाहन एप्रिल ते जुलैदरम्यान जवळपास २९ हजार वाहनांच्या नोंदणी झाल्या होत्या. यातून ७२ कोटींचा महसूल जमा झाला होता. या वर्षी अनेक उद्योगधंद्यांना कोरोनाचा फटका बसला आहे. प्रादेशिक परिवहन कार्यालयही त्याला अपवाद नाही.
कोरोनाने जगभरात थैमान घातले होते. या काळात लॉकडाउन सुरू असल्याने बरेच उद्योगधंदे बंद होते. लॉकडाउन शिथिल होताच वाहन नोंदणीत वाढ होत आहे. भविष्यात गणेशोत्सव, नवरात्र, दसरा, दिवाळी या काळात वाहन खरेदी वाढून महसुलात वाढ होईल.
- विनय अहिरे, उपप्रादेशिक परिवहन अधिकारी, नाशिक
संपादन- मनीष कुलकर्णी
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.