....अन् आणखी एक कोरोनासदृश सिव्हिलमध्ये दाखल 

नाशिक : आठ दिवसांपूर्वी न्यूझीलंडमधून आलेल्या एकास रविवारी (ता. 8) जिल्हा रुग्णालयातील कोरोना विषाणू विलगीकरण कक्षात दाखल करण्यात आले आहे. दाखल रुग्णाचे स्वॉब नमुने तपासणीसाठी पुणे प्रयोगशाळेत पाठविण्यात आले आहे. त्याचा अहवाल सोमवारी (ता. 9) सायंकाळपर्यंत येण्याची शक्‍यता आहे. दरम्यान, कोरोना कक्षात दाखल होणारे हे पाचवे रुग्ण असून, यापूर्वीच्या चारही रुग्णांचे कोरोनाचे नमुने निगेटिव्ह आले आहेत. 

कोरोना कक्षात दाखल होणारे हे पाचवे रुग्ण
67 वर्षीय नाशिकमधील रहिवासी असलेले वयस्क रुग्ण 29 फेब्रुवारीला न्यूझीलंडमधून भारतात आले. मुंबई विमानतळावरून ते नाशिकमध्ये दाखल झाले. परंतु त्यांना गेल्या शनिवारी (ता.7) सकाळी दम्याचा त्रास होऊ लागला. त्यामुळे त्यांना मुंबई महामार्गावरील आपोलो हॉस्पिटलमध्ये दाखल करण्यात आले होते.  

हेही वाचा > एक स्त्रीलाच दुसरी स्त्री नकोशी!...अज्ञात निष्ठुर मातेने 'नकोशीला' झाडाच्या अडचणीत टाकून केले पलायन

हेही वाचा > लग्न जमण्याच्या आधीच 'दोघांना' भेटणं पडलं चांगलच महागात...!