'मिळकत हस्तांतरण मुद्रांक शुल्कात तीन टक्के कपात करा'; आमदार हिरेंचे मुख्यमंत्र्यांना साकडे

1Seema_hire.jpg
1Seema_hire.jpg

नाशिक : (सिडको)सिडको, म्हाडा व 'एमआयडीसी'च्या मिळकती हस्तांतरणास मुद्रांक शुल्कात तीन टक्के कपात करण्याची मागणी आमदार सीमा हिरे यांनी मुख्यमंत्री उद्धव ठाकरे आणि महसूलमंत्री बाळासाहेब थोरात यांच्याकडे केली. 

मुख्यमंत्री, महसूलमंत्र्यांकडे मागणी 

राज्य शासनाने गृहनिर्माण क्षेत्राला चालना देण्यासाठी तसेच सर्वसामान्यांना परवडणारी घरे खरेदी करण्यासाठी १ सप्टेंबर ते ३१ डिसेंबर २०२० या कालावधीसाठी लागणाऱ्या मुद्रांक शुल्कात दस्त नोंदविताना कपात केली. ती कपात तीन टक्क्यांपर्यंत केली असून, याचे सर्वच स्तरातून स्वागत होत आहे. परंतु सर्वसामान्यांना परवडणारी घरे उपलब्ध करून देण्यासाठी शासनाने सिडको, म्हाडा या गृहनिर्माण संस्था, त्याचप्रमाणे 'एमआयडीसी' सारख्या योजना सुरू केल्या आहेत. परंतु आर्टिकल '२५ अ' प्रमाणे मुद्रांक शुल्क तीन टक्के कपातीच्या सवलतीतून सिडको, म्हाडा व 'एमआयडीसी' च्या मिळकतींना यातून वगळण्यात आले आहे. 

सीमा हिरे यांची निवेदनद्वारे आग्रही मागणी

नाशिक पश्चिम मतदारसंघांत मोठ्या प्रमाणात कामगार वर्ग आहे. सिडको, म्हाडा आणि एमआयडीसी या तिन्ही योजनांचा समावेश आहे. अंबड व सातपूर या दोन औद्योगिक वसाहतींचादेखील समावेश आहे. सध्या संपूर्ण देशात कोरोना संसर्गाने थैमान घातले आहे. मोठ्या प्रमाणात मंदीचे वातावरण असून, उद्योजकांबरोबरच नागरिक आर्थिक संकटात सापडले आहेत. या मिळकती घेणाऱ्या नागरिकांनादेखील मुद्रांक शुल्कात तीन टक्के सवलत मिळण्यासाठी आमदार सीमा हिरे यांनी निवेदनद्वारे आग्रही मागणी केली आहे.  

संपादन - किशोरी वाघ

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com