पहाटेची वेळ..धावती रेल्वे..अन् प्रसुतिकळांनी बिथरलेली गर्भवती...काय घडले?

नाशिक/ नाशिक रोड : रविवारी पहाटे सव्वातीनच्या सुमारास मुंबई- वाराणसी विशेष गाडी इगतपुरीला येत होती. यावेळी अचानक गर्भवती प्रियांका यांना प्रसूतिकळा येऊ लागल्या. प्रियांकांना त्या कळा असह्य होत होत्या. पाहा काय घडले पुढे...

वाचा काय घडले?

रविवारी (ता. २६) पहाटे सव्वातीनच्या सुमारास ०१०९३ मुंबई- वाराणसी विशेष गाडी इगतपुरीला येत होती. त्यात प्रवास करणाऱ्या गर्भवती प्रियांका यांना प्रसूतिकळा येऊ लागल्या. इगतपुरी रेल्वेस्थानकाचे उपव्यवस्थापक अवधेश कुमार यांनी प्रियांका यांना तातडीने मदतीसाठी इगतपुरी येथील रेल्वे आरोग्य केंद्राला माहिती दिली. डॉ. ज्योत्स्ना, अतिरिक्त विभागीय वैद्यकीय अधिकारी आणि त्यांच्या पथकाने महिलेला इगतपुरी येथेच उतरण्याचा सल्ला दिला. प्रसूतिवेदना होत असलेल्या प्रियांकाने रेल्वे मेडिकल टीमच्या सहाय्याने स्थानकावरच बाळाला जन्म दिला. नवजात बाळ आणि महिलेला प्रसूतिपश्चात उपचारासाठी ग्रामीण रुग्णालयात पाठविण्यात आले. 

हेही वाचा > पुतणीला सतत टोमणे मारणे भोवले काकाला... केले  आत्महत्येस प्रवृत्त

बाळ व आई सुरक्षित

रेल्वे अधिकारी- कर्मचाऱ्यांच्या तातडीच्या मदतीमुळे इगतपुरी स्थानकावर मुंबई- वाराणसी एक्स्प्रेसमधील महिलेची प्रसूती सुखरूप पार पाडली. कर्मचाऱ्यांच्या तातडीच्या मदतीमुळेच बाळ व आई सुरक्षित असल्याचे वैद्यकीय तज्ज्ञांनी सांगितले.

हेही वाचा >  संतापजनक! मुलाला भेटायला गेलेल्या विवाहितेला सासरच्यांकडून बेदम मारहाण 

संपादन - ज्योती देवरे