दिलासादायक! ..तर जिल्ह्यातील दुसरा कोरोनामुक्त ठरणार नाशिकचा 'तो' रुग्ण.!

सकाळ वृत्तसेवा 
Saturday, 18 April 2020

जगभरात कोरोना विषाणूने धुमाकूळ घातला आहे. राज्यात कोरोनाग्रस्तांचा आकडा वाढत असतानाच नाशिकमध्ये रुग्ण पॉझिटिव्ह आढळल्याने इथेही धाकधूक वाढली. अशातच एक दिलासादायक बातमी घडली आहे. 

नाशिक :  भारतासह जगभरात कोरोना विषाणूने धुमाकूळ घातला आहे. राज्यात कोरोनाग्रस्तांचा आकडा वाढत असतानाच नाशिकमध्ये रुग्ण पॉझिटिव्ह आढळल्याने इथेही धाकधूक वाढली. अशातच एक दिलासादायक बातमी घडली आहे. 

..तर जिल्ह्यातील दुसरा कोरोनामुक्त ठरणार नाशिकचा 'तो' रुग्ण.!

नाशिकच्या गोविंदनगर परिसरातील संशयीत रुग्णाचा कोरोनाचा रिपोर्ट  (ता.४) पॉझिटिव्ह आला होता. त्यानंतर आज (ता.१८) त्याच पॉझिटिव्ह  रुग्णाचा दुसरा रिपोर्ट निगेटिव्ह आला आहे. या रिपोर्टमुळे सगळ्यांनाच दिलासा मिळाला आहे. आता या रुग्णाचा तिसरा रिपोर्ट निगेटिव्ह आल्यास जिल्ह्यातील दुसरा कोरोनामुक्त रुग्ण ठरणार आहे. सुमंगल सोसायटी, मनोहर नगर, गोविंदनगर परिसरात हा कोरोनाचा बाधित रुग्ण आढळला. त्यानंतर महापालिका आयुक्त राधाकृष्ण गमे यांनी सुमंगल सोसायटीच्या त्रिज्यापासून तीन किलोमीटरचा परिसर पंधरा दिवसांसाठी प्रतिबंधित केला.

हेही वाचा > संतापजनक! कोरोनाबाधित रूग्णाचा अंगावर थुंकण्याचा प्रकार..अँम्ब्युलन्स चालकाला मारहाण

पालकमंत्र्याच्या निवासस्थानाचा परिसरही सील

 नाशिकचे पालकमंत्री छगन भुजबळ यांच्या निवासस्थानापासून एक दीड किलोमीटर अंतरावर एक कोरोना पॉझिटिव्ह रुग्ण आढळला होता. यानंतर मनोहर नगर, गोविंदनगरपासून तीन किमी परिसर सील करण्यात आला होता.  त्यावेळी महापालिका आयुक्तांनी या परिसराला भेट दिली होती. मोठ्या प्रमाणात आरोग्य कर्मचारीही सोमवारी (ता.६) उपस्थित होते. या परिसरातील नागरिकांची वैद्यकीय तपासणीही करण्यात आली.

VIDEO : जेव्हा विश्वास नांगरे पाटलांना आदेश मिळतो "तुम्ही बाहेर सीपी असाल, पण इथले 'एसीपी' आम्ही आहोत"!

 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Second report negative of Nashik patient nashik marathi news