पेठ (जि.नाशिक) : शहरातून रविवारी (ता. २६) रात्री चारचाकी वाहनाची चोरी झाली असून, १५ दिवसांत दोन पिक-अप वाहने चोरीस गेल्याने वाहनमालकांसह व्यापारी वर्गात प्रचंड दहशत निर्माण झाली आहे.
आंतरराज्य टोळी सक्रिय असल्याच्या चर्चेला उधाण
मागील वाहनचोरीचा तपास लागत नसताना दुसऱ्या वाहनावर चोरट्यांनी डल्ला मारल्याने शहरात भीतीचे वातावरण आहे. पंधरा दिवसांपूर्वी घरासमोर धान्य भरून उभा केलेल्या पिक-अपला काही अंतर ढकलत पुढे नेऊन बनावट चावीने चालू करून पळवून नेले. त्याचा अद्याप तपास लागलेला नसतानाच रविवारी पुन्हा चोरट्याने बलसाड रोडवरील योगेंद्र हिरामण चौधरी यांच्या घराजवळ उभे केलेले पिक-अप (एमएच १५, एजी २२३५) वाहन चोरून नेल्याचा प्रकार सकाळी उघडकीस आला. यामुळे शहरात वाहनचोरीसाठी आंतरराज्य टोळी सक्रिय असल्याच्या चर्चेला उधाण आले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.