नाशिककरांनो! बिंधास्त खा चिकन अन् अंडी; जिल्ह्यात बर्ड फ्लूचा धोका नाही

नाशिक : राजस्थान, हिमाचल प्रदेश, मध्यप्रदेश राज्यांमध्ये बर्ड फ्लुमुळे मोठ्या प्रमाणात पक्षांचा मृत्यू झालेला आहे. मात्र, राज्यासह नाशिक जिल्ह्यात अशा कुठल्याही प्रकारची घटना घडलेली नाही. नाशिक जिल्हा पशुसंवर्धन विभागामार्फेत आवश्‍यक त्या उपाययोजना होती घेण्यात आल्या आहेत. मात्र, तरी देखील नागरिकांनी मनात कुठल्याही प्रकारची भिती न बाळगता बिनधास्तपणे अंडी, चिकन खावे, असे आवाहन जिल्हा पशुसंवर्धन विभागातर्फे करण्यात आले आहे. 

गावोगावी सर्वेक्षण करण्याच्या सूचना

जिल्हा पशुसंवर्धन विभागामार्फेत उपाययोजना हाती घेण्यात आल्या असून, त्यानुसार जिल्ह्यातील जलाशयावर स्थलांतरीत होणाऱ्या पक्षी व पाळीव पक्ष्यांवर विशेष लक्ष केंद्र केले जाणार आहे. यासाठी जिल्हा स्तरावर दक्षता पथक स्थापनसाठी नियोजन व सुरक्षेच्या दृष्टीने तालुकास्तरावर सूचना देण्यात आल्या आहेत. त्याठिकाणी विभागामार्फेत सर्वेक्षण मोहीम राबविली जाणार आहे. यासह जिल्ह्यात दररोज पशुसंवर्धन विभागामार्फेत गावोगावी सर्वेक्षण करण्याच्या सूचनाही जिल्हा परिषद पशुसंवर्धन व दुग्ध विकास समिती सभापती संजय बनकर यांनी अधिकाऱ्यांना दिल्या आहेत. 

हेही वाचा > साईबाबांच्या दर्शनाची इच्छा अपूर्णच; बाईकवरून शिर्डीवर निघालेल्या तीन तरुणांवर काळाचा घाला

मार्गदर्शन सूचना 

जिल्ह्यातील शेतकरी व पशुपालक, पोल्ट्री फार्मर यांनी पक्षांच्या आरोग्यासाठी मूलभूत स्वच्छता विषयक, वाहतूक दरम्यान, सर्व खबरदारी घ्यावी. रोगासंदर्भात कुठल्याही प्रकारची लक्षणे आढळल्यास तत्काळ पशुवैद्यकीय केंद्राशक्ष संपर्क साधावा. 

बर्ड फ्लु संदर्भात आवश्‍यक सूचना आल्या आहेत. मात्र, राज्यासह जिल्ह्यात बर्ड फ्लूचा धोका नाही. त्यामुळे नागरिकांनी रोगाबाबत कसलीही भिती न बाळगता बिनधास्तपणे चिकन, अंडी, मांस यांचे सेवन करावे. इतर राज्यात हा रोग केवळ कावळे व इतर वन्यजीवांमध्ये आढळला आहे- 
- डॉ. विष्णू गर्जे जिल्हा पशुसवंर्धन अधिकारी, जि.प. नाशिक 

हेही वाचा >  निर्दयी मातेनेच रचला पोटच्या गोळ्याला संपविण्याचा कट; अंगावर काटा आणणारा संतापजनक प्रकार उघड