लॉकडाउनमध्ये अडकलाय?...घरी जायचंय? मग हे वाचाच

नाशिक : कोरोना व्हायरसच्या पार्श्वभूमीवर अवघ्या देशात लॉकडाउन आहे. गेल्या 23 मार्च रोजी देशभरात लॉकडाऊन आणि संचारबंदी घोषित करण्यात आल्यानंतर नाशिकमध्ये अनेक नागरिक विविध भागात अडकले आहेत. प्रत्येकालाच आपल्या गावी जाण्याची ओढ आहे. तुम्ही लॉकडाउनमध्ये अडकला असाल आणि तुम्हाला घरी मुळगावी जायचे असेल तर आता हे शक्य आहे.

घरी जाण्यास सशर्त परवानगी

लॉकडाउनच्या दरम्यान नाशिक पोलिसांनी हा उपक्रम सुरु केला असून नागरिकांना नियमांचे पालन करत घरी जाण्यास सशर्त परवानगी दिली आहे. त्यासाठी नाशिक पोलिसांनी विशिष्ट नियामावली आणि अर्ज नमुना तयार केला आहे. तो विशिष्ट अर्ज भरुन देत नियम पाळण्याचा विश्वास दिल्यास तुम्ही आपल्या गावी जाऊ शकता. नाशिक पोलिसांनी याबाबत नागरिकांना आपल्या गावी जाण्याच्या परवानगीसाठी मार्गदर्शन सूचना केल्या आहेत. त्याप्रमाणे जे नागरिक जिल्ह्यात अडकलेले आहेत.

हेही वाचा > ह्रदयद्रावक! "करपलेल्या जखमी पायांनी लांब अंतर कापतोय खरं..पण घरात घेतील ना?"

अशा नागरिकांना संपूर्ण माहितीसह अर्ज सादर करणे बंधनकारक आहे. हा अर्ज आपणास http://nashikepass.in/ या संकेतस्थळावर सादर करता येणार आहे.

हेही वाचा > ह्रदयद्रावक! कुणीतरी वाचवा हो, माझ्या बाळाला!...काळजाच्या तुकड्याला रक्ताच्या थारोळ्यात बघून मातेचा आक्रोश..