Nandubar News : स्टेट बँकतर्फे मृत सभासदाच्या वारसाला 2 लाखांचा धनादेश

Nandubar News : तालुक्यातील शिंदवाणी गावातील अत्यंत गरीब कुटुंबातील तरुण मुलांचा मृत्यू झाल्याने कुटुंबीयांवर आर्थिक संकट ओढवले होते. अशा परिस्थितीत आदिवासी जनजागृती टीम त्यांच्या मदतीला आली.

आदिवासी जनजागृतीच्या पाठपुराव्याने आणि स्टेट बँकेचे अधिकारी वर्गाचे तत्परतेने या कुटुंबीयांना दोन लाखाची आर्थिक मदत मिळाली.

भारतीय स्टेट बँकेच्या कर्मचाऱ्यांनी तत्काळ मृताच्या विमा पॉलिसीची कागदपत्रे वरिष्ठ कार्यालयात पाठवून २ लाख रुपयांचा धनादेश शाखा व्यवस्थापक डॉ. भूषण जयंत अत्रे यांच्या हस्ते मृत तरुणाचे वडील टिच्या पावरा यांच्याकडे सुपूर्द केला.

शिंदवाणी येथील टिच्या पावरा यांचा मुलगा किसन पावरा यांचा अपघाती मृत्यू झाला होता.

त्यांनी भारतीय स्टेट बँक धडगाव शाखेत बचत खाते उघडून प्रधानमंत्री जीवन ज्योती विमा योजना व प्रधानमंत्री सुरक्षा विमा योजना घेतली होती.

टिच्या पावरा यांच्या कुटुंबीयांना बँकेचे व्यवस्थापक डॉ. भूषण जयंत अत्रे, बँक कर्मचारी, मनोहर चव्हाण यांनी तत्परता दाखवत अवघ्या काही दिवसांत विमा प्रकरणाला मंजुरी मिळवून दिली.

डॉ. भूषण जयंत अत्रे यांच्या हस्ते ठाकरे यांचे वडील टिच्या सरदार पावरा यांच्याकडे २ लाखाचा धनादेश सुपूर्द केला.

यावेळी आदिवासी जनजागृतीचे सहसंस्थापक अर्जुन पावरा, सदस्य प्रमोद पावरा आणि प्रोजेक्ट मॅनेजर रमेश पाडवी उपस्थित होते.