Jalgaon News : रेल्वे कर्मचाऱ्यांना 45 दिवसाचा बोनस; दसरा दिवाळी होणार गोड

Jalgaon News : भुसावळ विभागातील सुमारे तेरा हजार ९०० रेल्वे कर्मचाऱ्यांना ४५ दिवसांचा पगार बोनस म्हणून मिळाला आहे. बोनस कर्मचाऱ्यांच्या बँक खात्यात जमा झाल्याने, रेल्वे कर्मचाऱ्यांची दसरा, दिवाळी गोड होणार आहे.

एकूण २४ कोटी २८ लाख २८ हजार २२६ रुपयांचा भरणा कर्मचाऱ्यांच्या खात्यावर वर्ग करण्यात आला आहे. (45 days bonus to railway employees jalgaon news)

सुमारे १७ हजार रुपये कर्मचाऱ्यांना बोनस म्हणून मिळाले आहे. १८ ऑक्टोबरला रेल्वे बोर्डाने अराजपत्रित कर्मचाऱ्यांसाठी पीएलबी जाहीर केला आहे. रेल्वे कर्मचाऱ्यांना बोनस जाहीर होतास डी.आर.एम. इती पांडे यांच्या नेतृत्वात व वरिष्ठ कार्मिक अधिकारी काझी यांच्या मार्गदर्शनात कर्मचाऱ्यांनी रात्रभर मेहनत घेत रेल्वे कर्मचाऱ्यांच्या खात्यामध्ये बोनस वर्ग केले.

रेल्वे बोर्डाने पीएलबीची घोषणा केल्यापासून काही तासांच्या आत पीएलबी उत्तीर्ण करण्यासाठी खात्यात वेतनपत्रे जमा केली आहेत. त्‍यामुळे १३ हजार ९०० कर्मचाऱ्‍यांचे पीएलबीचे पेमेंट २४ कोटी २८ लाख २८ हजार २२६ कर्मचाऱ्‍यांच्या खात्यात जमा झाले आहे.

गेल्या वर्षभरात सेवानिवृत्त झालेल्या १ हजार ९१ कर्मचाऱ्यांमधील पीएलबीचे वेतनपत्र १९ ऑक्टोबरला पेमेंट पास करण्यासाठी खात्यात जमा करण्यासाठी दाखल केले आहे, अशी माहिती रेल्वेच्या सूत्रांनी दिली. भुसावळ विभागाची हद्द भुसावळ ते इगतपुरी, भुसावळ ते खांडवा, भुसावळ ते नागपूर दरम्यान आहे.