Dhule Lok Sabha Constituency : धुळ्यात 47 अर्जांची विक्री

Dhule News : लोकसभेच्या धुळे मतदारसंघाच्या निवडणुकीसाठी शुक्रवारी (ता. २६) उमेदवारी अर्ज विक्री व स्वीकृतीची प्रक्रिया सुरू झाली. पहिल्या दिवशी २५ इच्छुकांनी एकूण ४७ अर्ज घेतले. भाजपचे उमेदवार खासदार डॉ. सुभाष भामरे यांच्यातर्फे डॉ. राहुल भामरे यांनी चार, तर अपक्ष उमेवारांनीही अर्ज खरेदी केल्याचे सांगण्यात आले. (Dhule Lok Sabha Constituency)

अर्ज विक्रीच्या क्रमांक दोन टेबलवर पथकप्रमुख म्हणून राजेंद्र मावळे, तर त्यांच्यासोबत मनोज पाटील, भास्कर आळंदे, अमोल पाटील व रोहित येवले यांची नेमणूक करण्यात आली आहे. या ठिकाणी अर्ज विक्री व अनामत रक्कम स्वीकारण्यात येते. (Latest Marathi News)

महायुतीचे उमेदवार खासदार डॉ. भामरे सोमवारी (ता. २९) उमेदवारी अर्ज दाखल करणार आहेत. अर्ज दाखल करण्याची शेवटची मुदत ३ मे आहे.

अर्ज दाखल करण्यासाठी होणारी गर्दी लक्षात घेता जिल्हाधिकारी कार्यालयाचा रस्ता बॅरिकेड्सने बंद करण्यात आला. सकाळी अकरापासून नामनिर्देशनपत्र विक्री व स्वीकारण्यास सुरवात झाली.