धुळ्यात पाच हजार संशयितांविरुद्ध गुन्हा 

धुळे ः"सीएए', "एनआरसी' आणि "एनपीआर' कायद्याविरोधात बहुजन क्रांती मोर्चाने बुधवारी (ता. 29) पुकारलेल्या "बंद'ला धुळे शहरासह शिरपूरला हिंसक वळण लागले. यात शहरात दगडफेक, जाळपोळ, पोलिसांवर हल्ल्याची घटना घडली. या प्रकरणी येथील चाळीसगाव रोड पोलिस ठाण्यात चार ते पाच 
हजार समाजकंटकांविरुद्ध गुन्हा दाखल झाला असून, पोलिसांनी आतापर्यंत दहा संशयितांना अटक केली. दरम्यान, संशयितांचा शोध व अटकेची प्रक्रिया सुरूच राहणार आहे. तसेच संवेदनशील शंभर फुटी रोड परिसरात पोलिस बंदोबस्त तैनात असून, स्थिती पूर्वपदावर आल्याची माहिती जिल्हा पोलिस अधीक्षक विश्‍वास पांढरे यांनी दिली. 

पाच हजार जणांवर गुन्हा दाखल 
चाळीसगाव रोड पोलिस ठाण्यात सार्वजनिक मालमत्तेच्या विद्रुपीकरणासह शासकीय कामात अडथळा व विविध कलमांन्वये धुळ्यातील चार ते पाच हजार व्यक्तींविरुद्ध गुन्हा दाखल झाला. 

नक्की पहा : नंदुरबार जिल्ह्यातील प्रश्‍न सोडविण्यास प्राधान्य : मुख्यमंत्री उध्दव ठाकरे 
 

"एलसीबी'कडे तपास 
चाळीसगाव रोड पोलिस ठाण्यात दाखल गुन्ह्यातील संशयितांपैकी आतापर्यंत दहा जणांना अटक झाली आहे. यात हारून रफिक खाटीक, शाहरुख अब्बास खाटीक, सय्यद हबीब सय्यद इब्राहिम, रफीक गुलाब शेख, फिरोज नसीरखान, तौसिफ रज्जाक शेख, आसिफ शाह गोलू शाह, शाहरुख मणियार, राहुल वाघचा समावेश आहे. गुन्ह्याचा तपास स्थानिक गुन्हे शाखेकडे (एलसीबी) वर्ग झाला आहे.