Crime News : लग्न म्हणजे व्यवसाय? धुळ्यात विवाहितांना वधू बनवून लाखोंचा गंडा

धुळे: लग्न लावून देण्याचे आमिष दाखवून लाखोंचा गंडा घालणाऱ्या टोळीचा पोलिसांनी पर्दाफाश केला. नागपूर येथील संशयित मध्यस्थासह नववधूच्या नावाखाली आलेल्या चौघांना चाळीसगाव रोड पोलिसांनी ताब्यात घेतले. याप्रकरणी फसवणुकीचा गुन्हा दाखल केला..सचिन मरगडे (रा. अंगझरी, नागपूर), काजल बारोट (वय २३, रा. शिरोही, राजस्थान), नेहा मेटकर (वय ३३, रा. गांधीबाग, नागपूर) व पूनम येती (वय ३३, रा. शांतीनगर, नागपूर) यांचा संशयितांमध्ये समावेश आहे. पोलिसांनी दिलेल्या माहितीनुसार सचिन मरगडे हा मुख्य मध्यस्थ आहे. नेहा मेटकर ही नववधू काजलची बहीण म्हणून आली होती. पूनम येती हिला दुसऱ्या लग्नासाठी वधू म्हणून दाखवण्यात आले होते. पोलिस तपासात काजल ही प्रत्यक्षात विवाहित असून, एका मुलाची आई असल्याचेही स्पष्ट झाले..लाखो रुपये घेऊन लग्नतुषार खैरनार (वय ३५, रा. धुळे) याच्या विवाहासाठी नागपूरच्या मध्यस्थाशी संपर्क साधण्यात आला. २१ ऑगस्टला तुषारच्या घरी नववधू काजल, तिची बहीण नेहा आणि मध्यस्थ सचिन आले. मुलीला बघण्याचा कार्यक्रम झाल्यानंतर लग्न लावण्यासाठी दीड लाखाची मागणी करण्यात आली. खैरनार कुटुंबाने एक लाख ३० हजार रुपये रोख आणि काही रक्कम ऑनलाइन दिली. त्यानंतर देवपूर येथील आदिशक्ती श्री एकविरादेवी मंदिरात तुषार आणि काजलचे लग्न लावण्यात आले..वधू विवाहित असल्याचे उघडलग्न झाल्यानंतर दोन दिवसांतच काजलचे वागणे तुषारला संशयास्पद वाटले. आधारकार्ड तपासणी केली असता ती मूळ राजस्थानची असल्याचे समोर आले. सोशल मीडियावर तिच्या प्रोफाइलवरील छायाचित्रांत गळ्यात मंगळसूत्र आणि एका लहान मुलासोबतचे छायाचित्र दिसले. त्यामुळे संशय बळावला. तुषारने माहिती कुटुंबीयांना सांगितल्यानंतर सर्वांनी सत्य शोधण्याचा निर्णय घेतला..प्रकरण उघडकीस आणण्यासाठी खैरनार कुटुंबीयांनी पुन्हा मुलगी दाखविण्याचा बहाणा केला. यावेळी पूनम (रा. उज्जैन, मध्य प्रदेश) नावाची मुलगी दाखवली गेली. त्यासाठी पुन्हा दीड लाखाची मागणी करण्यात आली. त्यानंतर फसवणूक झाल्याची खात्री झाल्याने कुटुंबीयांनी चाळीसगाव रोड पोलिस ठाण्यात धाव घेतली..Shirpur Accident : शिरपूरजवळ पोलिसांच्या जीपचा अपघात; वाढदिवसाच्या दिवशीच एका कर्मचाऱ्याचा मृत्यू.चौघांविरुद्ध गुन्हा दाखलतक्रारीवरून पोलिसांनी मध्यस्थ सचिन मरगडे, नववधू काजल, तिची बहीण नेहा आणि पूनम या चौघांना चौकशीसाठी बोलावून घेतले. खैरनार कुटुंबाची फसवणूक केल्याचे निष्पन्न झाल्याने त्यांना ताब्यात घेण्यात आले व चौघांविरुद्ध फसवणुकीचा गुन्हा दाखल केला. पोलिस अधीक्षक श्रीकांत धिवरे, अपर पोलिस अधीक्षक अजय देवरे, उपविभागीय अधिकारी राजकुमार उपासे यांच्या मार्गदर्शनाखाली पोलिस निरीक्षक सुरेशकुमार घुसर, सहायक निरीक्षक गणेश पवार, हरिश्चंद्र पाटील, नीलेश चव्हाण, विनोद पाठक, शोएब बेग, अतिक शेख, सचिन पाटील, पंकज वाघ, माधुरी हटकर व सोनाली हटकर यांनी ही कारवाई केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.