Dhule Accident News : 3 दिवसांनंतरही संशयित फरारीच; अपघातात भावा-बहिणीचा मृत्यू

Dhule Accident : निजामपूर ते वासखेडी (ता. साक्री) मार्गावर खडकी नाल्याजवळ कार आणि दुचाकीत भीषण अपघात झाला. यात चुलत भावा-बहिणीचा जागीच मृत्यू झाला.
Accidental car.
Accidental car.esakal

पिंपळनेर : निजामपूर ते वासखेडी (ता. साक्री) मार्गावर खडकी नाल्याजवळ कार आणि दुचाकीत भीषण अपघात झाला. यात चुलत भावा-बहिणीचा जागीच मृत्यू झाला. त्यामुळे संतप्त नातेवाइकांसह ग्रामस्थांनी या घटनेतील आरोपीला अटक होत नाही तोपर्यंत मृतदेहाला हात लावू देणार नाही, अशी ठिय्या आंदोलनातून आक्रमक भूमिका घेतली. (Dhule Accident News)

आरोपी कारच्या काचा फोडून घटनास्थळावरून फरारी झाले. ते अद्याप निजामपूर पोलिस ठाण्याच्या हाती लागलेले नाहीत. जिल्हा पोलिस अधीक्षक श्रीकांत धिवरे यांनी घटनेचे गांभीर्य ओळखत अपर पोलिस अधीक्षक किशोर काळे यांना घटनास्थळी पाठविले. त्यांच्यासह पोलिस उपअधीक्षक साजन सोनवणे.

निजामपूरचे सहाय्यक पोलिस निरीक्षक हनुमंत गायकवाड, उपनिरीक्षक कोळी यांनी घटनास्थळी उपस्थित नातेवाईक व ग्रामस्थांची समजूत काढण्याचा प्रयत्न केला. आरोपीस लवकर ताब्यात घेऊन कारवाईचे आश्वासन श्री. काळे यांनी दिल्यावर संतप्त नातेवाइकांनी सात तासांनंतर मृतदेह ताब्यात घेतले.

वासखेडी शिवारातील खडकी नाल्याजवळ सोमवारी (ता. २२) दुपारी साडेचारच्या सुमारास दुचाकी (एमएच ३९, जी ९१००)ने तुषार दादाजी नेरकर (वय ३०) व चुलत बहीण संगीता अनिल सूर्यवंशी (४२, रा. वासखेडी) वासखेडीकडे जात होते. (latest marathi news)

Accidental car.
Nashik Accident News: उज्जैनहून नाशिककडे परतणाऱ्या भाविकांच्या गाडीला झोडगेजवळ भीषण अपघात; महिलेचा मृत्यू

त्यांना मागून कार (एमएच ३९, एल ०१२८)ने जोरात धडक दिली. या घटनेत नेरकर व सूर्यवंशी या काही अंतरावर फेकल्या गेल्या. त्यांचा जागीच मृत्यू झाला. या भीषण घटनेनंतर कारच्या काचा फोडून कारमधील आरोपी फरारी झाले. ही माहिती मिळताच संतप्त नातेवाईक व शेकडो ग्रामस्थांनी घटनास्थळी आक्रमक पवित्रा घेत ठिय्या आंदोलन सुरू केले.

त्या ठिकाणी निजामपूरचे पोलिस घटनास्थळी दाखल झाले. आक्रमक जमावाने कारचालकास अटक होत नाही तोपर्यंत मृतदेह ताब्यात घेण्यास नकार देत सात तास आंदोलन केले. श्री. धिवरे आणि श्री. काळे यांच्या प्रयत्नांती सोमवारी रात्री अकरानंतर आंदोलन मागे झाले.

Accidental car.
Pune Fire Accident : भवानी पेठ गोल्डन ज्युबली इन्स्टिट्यूट येथे आग

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com