Ahirani Sahitya Sammelan : अहिराणी साहित्य संमेलन बोधचिन्हाचे प्रकाशन

Dhule News : खानदेश साहित्य संघ धुळे व महाराष्ट्र राज्य साहित्य आणि सांस्कृतिक मंडळ यांच्यातर्फे २५ फेब्रुवारी २०२४ ला नेर (ता. धुळे) येथे होणाऱ्या सातव्या अखिल भारतीय अहिराणी साहित्य संमेलनाच्या बोधचिन्हाचे मान्यवरांच्या हस्ते प्रकाशन झाले.

ज्येष्ठ साहित्यिक जगदीश देवपूरकर अध्यक्षस्थानी होते. बोधचिन्हाचे अनावरण प्रकाश पाटील, विश्राम बिरारी, शाहीर श्रावण वाणी यांच्या हस्ते करण्यात आले. (Release of Ahirani Sahitya Sammelan emblem)

संमेलनाच्या बोधचिन्हासंदर्भात प्रकाश पाटील यांनी माहिती दिली. खानदेशी ओवी वाङ्‍मय, साहित्य, कृषी संस्कृती, ऐतिहासिक किल्ल्यांचा ठेवा व लोकसंस्कृतीचा आरसा या बोधचिन्हातून दर्शविल्याचे ते म्हणाले.

कवी देवपूरकर यांनी संमेलन कार्यालयात उपस्थित राहून योगदान देण्याविषयी सांगितले. बैठकीस खानदेश साहित्य संघाचे अध्यक्ष प्रा. डॉ. सदाशिव सूर्यवंशी, सचिव रमेश बोरसे, धुळे तालुकाध्यक्ष शाहीर श्रावण वाणी.

अमळनेर तालुकाध्यक्षा सुनीता पाटील, चाळीसगाव तालुकाध्यक्ष विजय निकम, कमलेश शिंदे, रत्नाकर पाटील, गुलाबराव मोरे, गोकुळ पाटील, प्रभाकर सूर्यवंशी, मोहन वाणी, रमेश पवार, रामदास जगताप आदी उपस्थित होते.