धुळे : महापालिका हद्दीत समाविष्ट झाल्यानंतर वलवाडी, भोकरसह विविध कॉलनी परिसरातील रहिवासी निरनिराळ्या समस्यांमुळे त्रस्त आहेत. त्या निवारणार्थ आठड्यात निर्णय घ्यावा, अन्यथा तीव्र आंदोलन केले जाईल, असा इशारा इंदिरा महिला मंडळाने दिला. महापालिकेत महिला आंदोलकांनी आयुक्तांच्या दालनाजवळ निदर्शने केली.
महापालिका प्रशासनाला इंदिरा मंडळाने मंगळवारी दिलेल्या निवेदनात म्हटले आहे, की महापालिका क्षेत्रात समाविष्ट वलवाडी, भोकर, दैठणकरनगर, श्रमसाफल्य कॉलनी ते सप्तशृंगी कॉलनी, तसेच अनेक कॉलन्यांमध्ये अनेक वर्षांपासून पाणी, रस्ते, गटारी, स्वच्छता व पथदीपांचा प्रश्न जैसे थे आहे. कर भरूनही नागरिक सोयी-सुविधांपासून वंचित आहेत. (Dhule Update Suspended as Revenue Assistant Dhule News)
वलवाडीतूनही अधिक करदाते नियमित कर भरतात. तरीही वलवाडीतील श्रमसाफल्य कॉलनीची दुर्दशा झाली आहे. खराब रस्ते, खड्डे त्रासदायक ठरले आहेत. अक्षय कॉलनी, अरुणनगर, अशोकनगर, दोंदे कॉलनी, गणेशनगर, पोलिस कॉलनी, अष्टविनायकनगर, सप्तशृंगी कॉलनी यासह निरनिराळ्या कॉलन्यांमध्ये अशीच समस्या आहे.
त्याकडे महापालिका लक्ष देत नाही. निवडणुकीत उमेदवारांनी दिलेली आश्‍वासने पूर्ण केलेली नाहीत. महापालिकेला मिळणाऱ्या कोट्यवधींच्या निधीतून दहा कोटी या समस्याग्रस्त भागाला दिला जावा. श्रमसाफल्य कॉलनीतील रस्ते दुरुस्त करावेत, अशी मागणी मंडळाच्या अध्यक्षा प्रभा परदेशी, साहेबराव पाटील, हर्षदीप पाटील, हर्षदा पाटील, जयश्री पाटील, जगन्नाथ पाटील, कैलास भदाणे, बापू चौधरी, विमलबाई पाटील आदींनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
