जळगावात पाच हजार मुलींना मिळणार स्वः रक्षणाचे धडे...

जळगाव ः युवतींना जर स्वःरक्षणाचे धडे मिळाले असते तर हिंगणघाट (जि.वर्धा), निर्भया प्रकरणे झाली नसती. यामुळे युवतींना स्वः रक्षणाचे धडे देण्यासाठी "अभाविप' ने पुढाकार घेतला आहे. तीन फेब्रुवारीपासून जळगाव शहरातील प्रत्येक महाविद्यालय, शाळांमध्ये "मिशन साहसी अभियान' राबविले जाणार आहे. 

अभाविपचे प्रदेश सहमंत्री सिद्धेश्‍वर लटपटे यांनी आज पत्रकार घेतली. यात पुढे बोलतांना ते म्हणाले, की जळगावमध्ये 10 फेब्रुवारीपर्यंत हे अभियान सुरू असेल. शहरातील विविध महाविद्यालय, शाळेतील विद्यार्थ्यांना स्वरक्षणाचे धडे दिले जातील. 11 फेब्रुवारीस शिवतीर्थ मैदानावर "मिशन साहसी प्रात्यक्षिकाचे भव्य सादरीकरण सकाळी आठ ते अकरा दरम्यान होणार आहे. प्रमुख पाहुणे म्हणून राष्ट्रीय खेळाडू 
बबिता फोगाट, अभाविप पश्‍चिम क्षेत्र विद्यार्थिनी प्रीती नेगी उपस्थित राहतील. पाच हजार विद्यार्थिनींना 
भव्य कार्यक्रमात एकावेळी प्रशिक्षण दिले जाईल. अभियानासाठी शहरातील विविध क्षेत्रातील महिलांची समिती गठीत करण्यात आली आहे. अध्यक्षपदी डॉ. प्रीती अग्रवाल, कार्याध्यक्ष डॉ.आरती हूजूरबाजार, सचिव प्रतिमा याज्ञिक, उपाध्यक्षा मंगला बारी, संरक्षक खासदार रक्षा खडसे, आमदार स्मिता वाघ, जिल्हा परिषद अध्यक्षा रंजना पाटील, महापौर भारती सोनवणे, नगराध्यक्षा साधना महाजन, सदस्य रेवती शेंदूर्णीकर, यासह अनेक सदस्यांचा सहभाग आहे. 

आर्वजून पहा ः गावाकडे निघाले... अन्‌ पतीच्या डोळ्यासमोर पत्नीचा मृत्यू !