टि-शर्ट वरील वाचला मजकूर...अन्‌ सापडला डॉक्‍टर "मुन्नाभाई' 

जळगाव: जिल्हा सामान्य रुग्णालय तथा वैद्यकीय महाविद्यालयात एम. डी. डॉक्‍टर सांगत रुग्णालयातील वार्डातील 12 वर्षीय तरुणीची तपासणी करुन तिला इंजेक्‍शन देण्याच्या तयारीतील असलेल्या मद्यधुंद तोतया डॉक्‍टर "मुन्नाभाई'ला नागरिकांनी बेदम चोप देत पोलिसांच्या स्वाधीन केले आहे. मुकेश चंद्रशेखर कदम (वय 30 रा.) मोहाडी असे तोतया डॉक्‍टरचे नाव आहे. मंगळवारी दुपारी 2.30 वाजेच्या सुमारास घडलेल्या या घटनेने जिल्हा रुग्णालयात एकच गोंधळ उडाला होता. 

यावल तालुक्‍यातील मनवेल येथील गणेश हरी कोळी यांची मुलगी रंजना हिला आजारी असल्याने ती उपचारासाठी जिल्हा रुग्णालयात दाखल केली होते. डॉक्‍टरांनी तपासणी करुन तिला रुग्णालयात दाखल करुन घेण्यात आले. महिला वार्ड (क्रमांक 4) येथे रंजना हिच्यावर उपचार सुरु असून. मंगळवारी दुपारी 2.30 वाजेच्या सुमारास रुग्णालयात गळ्यात "स्टेथोस्कोप' लटकवुन तीसीतला तरुण वार्डात आला. येताच 
त्याने रुग्णाची तपासणीला सुरुवात केली. वार्डातील सर्वच रुग्णांची तपासणी करुन तो, आजारी रंजना पर्यंत पोचला तीची तपासणीही त्याने करुन टाकली. 

नक्की पहा ः  पतीचा मृतदेह घेऊन पत्नीचा न्यायासाठी लढा ! 
 

..बापाला शिकवणार का? 
मुलीची तपासणी होत असतांना रंजनाचे वडील तीला जाणवणाऱ्या त्रासाबद्‌दल या "मुन्नाभाई' डॉक्‍टर साहेबांना आदरपुर्वक माहिती देत होते. मात्र, त्यांना या भामट्या डॉक्‍टरंच्या अंगात असलेला पिवळ्या धम्मक रंगाचा टि-शर्ट वर...बापाला शिकवणार का? असं लिहलेल आढळल्याने शंका आल्याने...तुम्ही कोण? आहात अशी विचारणा केली, तर डॉक्‍टरच्या तोंडातून दारुचा भपकाराच आला..या मद्यधुंद भामट्याने, मी एम.डी.डॉक्‍टर असल्याचे बतावणी केली. तपासणी करत असतांनाच मुलीच्या वडीलांना शंका आल्याने त्यांनी वार्डात कार्यरत पारिचारिकेला गाठून या भामट्या बाबत विचारणा केली..तर, परिचारीकेने संबंधित तरुण डॉक्‍टर नसल्याचे सांगताच. वार्डात सर्वांनाच अश्‍चर्याचा धक्का बसला. 

आर्वजून पहा ः वय वर्ष 103...कार्य मात्र तरूणांनाही लाजविणारे 

अन्‌ डॉक्‍टर मुन्नाभाईला चोप ! 
तोतया असल्याचा भंडाफोड झाल्याचे लक्षात येतात, संबंधिताने वार्डातून काढता पाय घेत पोबारा केला. यानंतर तरुणीच्या वडीलांसह पारिचारिका, वार्डातील इतर नातेवाईक तसेच खऱ्या डॉक्‍टरांनी तोतयाचा पाठलाग केला. नागरीकांसह जिल्हा रुग्णालयातील कर्मचाऱ्यांनी त्याला पकडून झोडपून घेत नंतर रुग्णालयातील पोलिस चौकीतील कर्मचारी सहाय्यक फौजदार किरण पाठक, राहूल घेटेकडे स्वाधीन केले.