हिंगोणा अपघात ग्रस्तांना मुख्यमंत्री सहाय्यता निधीतून मदत

जळगाव ः हिंगोणा (ता.यावल) येथे मध्यरात्री झालेल्या अपघातात ठार झालेल्या व्यक्ती व जखमींना 
मुख्यमंत्री सहाय्यता निधीतून मदत मिळावी यासाठी जिल्हा प्रशासनाने राज्य शासनाकडे प्रस्ताव आज पाठविला आहे. दरम्यान पालकमंत्री गुलाबराव पाटील यांनी अपघातातील जखमींची रुग्णालयात जाऊन विचारपूस केली आहे. तर अपघाताबाबत शोक व्यक्त केला आहे. 

नक्की पहा: उत्तर महाराष्ट्रात स्वतंत्र जैवविविधता संस्था उभारण्याचा ठराव
 

फैजपूर हिंगोणा रस्त्यावर क्रुझरला मध्यरात्री दिलेल्या डंपरने दिली होती. त्यात बारा जण ठार तर पाच जण जखमी झाले आहे. त्यांना मुख्यमंत्री सहाय्यता निधीतून मदत मिळावी यासाठी आज जिल्हाधिकारी डॉ.अविनाश ढाकणे यांनी नाशिक महसूल आयुक्तांकडे प्रस्ताव पाठविला आहे. प्रभाकर नारायण चौधरी, मंगलाबाई ज्ञानेश्‍वर चौधरी, प्रभाबाई प्रभाकर चौधरी, सोनाली जितेंद्र चौधरी, प्रियंका नितीन चौधरी, 
अश्‍लेष उमेश चौधरी, सोनल सचिन महाजन, रिया जितेंद्र चौधरी, शिवम प्रभाकर चौधरी, धनराज गंभीर तायडे (सर्व चिंचोल, रा.मुक्ताईनगर), सुमनबाई श्रीराम पाटील, संगीता मुकेश पाटील (दोघे रा. रावेर) हे मृत झाले आहे. तर सुनिता राजाराम पाटील, निना प्रफुल्ल चौधरी, सर्वेश नितीन चौधरी, अन्वयी नितीन चौधरी (सर्व रा.चिंचोल, ता.मुक्ताईनगर), आदित्य मुकेश पाटील, शंतनू मुकेश पाटील (रा.निंबोल, ता.रावेर) हे जखमी आहेत. लवकरच मुख्यमंत्री सहाय्यक निधी मंजूर होऊन वारसांना मदत दिली जाईल.