- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
जळगाव : जिल्ह्यात वाढते गुन्हेगारीचे प्रमाण, चोऱ्या, घरफोड्या, लुटमारीचे गुन्हे आदी दाखल गुन्ह्यांचा तपास लावण्यासाठी विशेष मोहिमेंतर्गत गुन्हेशाखेला 1 महिन्याचा अल्टिमेटम देण्यात आला होता. मात्र, तरी सुद्धा कामगिरीचा आलेख उंचावत नाही म्हणून पोलिस अधीक्षक डॉ. पंजाबराव उगले यांनी प्रेरणा सभागृहात कर्मचाऱ्यांची एकत्र बैठक घेत तीन कर्मचाऱ्यांच्या बदल्या तर एका कर्मचाऱ्यांच्या चौकशीचे आदेश बैठकीतच दिल्याने पोलिस दलात एकच भूकंप झाला आहे.
गुन्हे उघडकीस आणण्याऐवजी भलत्याच कामात कर्मचारी व्यस्त असल्याचे आढळून आल्यावर अवैध धंद्यांच्या संपर्कातील कर्मचाऱ्यांवर पोलिस अधीक्षक डॉ. पंजाबराव उगले यांनी स्वत: गुप्तपणे प्रत्येकच कर्मचाऱ्यावर विशेष लक्ष केंद्रीत केले होते. अशातच जिल्ह्यातील वाढती गुन्हेगारी, घरफोड्या, चोऱ्या, जबरीलुटचे गुन्हे आणि दाखल गुन्ह्यांच्या तपासात खालावलेली परिस्थिती पाहता डॉ. उगलेंनी या कर्मचाऱ्यांची गेल्या महिन्यात बैठक घेत कामगिरी दाखवण्याच्या सूचना केल्या होत्या. गेल्या महिन्याभरात कामगिरी शून्य आणि अवांतर विषयात सक्रिय असलेल्या कर्मचाऱ्यांची यादीच पोलिस अधीक्षकांच्या हाती लागली असून, प्रेरणा सभागृहात पोलिस अधीक्षकांनी खास गुन्हे आढावा बैठक घेतली होती. या बैठकीत उपस्थित कर्मचारी अधिकाऱ्यांना तपासातील प्रगती आणि आढावा सादर करावा लागला.
कठोर शब्दात कान उघाडणी
पोलिस अधीक्षकांनी अखेरचा अल्टिमेटम देत प्रत्येकाची कुंडलीच आपल्याकडे तयार असून, वेळीच कामांत सुधारणा झाली नाही तर बडतर्फीची कारवाई करण्याचा इशारा बैठकीत दिला आहे. जिल्हा पोलिस दलात कार्यरत अधिकारी असोत की, कर्मचारी अवांतर विषयात असणाऱ्या प्रत्येकाचे कारनामे आपल्या पर्यंत पोहचत असल्याचेही त्यांनी ठणकावून सांगितले.
तिघांच्या बदल्या
गुन्हेशाखेतून सुरेश महाजन यांची भुसावळ तालुका, दीपक शिंदे, वसंत लिंगायत यांची मुख्यालयात तडकाफडकी बदली करण्यात आली. तर विनोद संभाजी पाटील यांच्या चौकशीचे आदेश बैठकीतूनच देण्यात आले. संपूर्ण जिल्ह्याचे लक्ष लागून असलेल्या आजच्या बैठकीत पोलिस अधीक्षकांच्या कारवाईने पोलिसदलात एकच खळबळ उडाली असून, अवैध धंद्यात लिप्त अधिकारी कर्मचाऱ्यांचे धाबे दणाणले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.