नाराज बिएलओ न्यायालयीन लढ्याच्या तयारीत...सोमवारी बैठक 

residentional photo
residentional photo

नाशिक ः राष्ट्रीय कार्याचा भाग म्हणून वर्षानुवर्षापासून प्राथमिक शिक्षकांना बीएलओ म्हणून निवडणूकीचे कामकाज दिले जाते. मात्र निवडणूकीच्या निरंतर कामामुळे विद्यार्थ्यांच्या शिक्षणाचा मात्र खेळखंडोबा सुरु आहे. शिक्षकांना अशैक्षणिक कामे देउ नयेत हे न्यायालयाचे निर्देश असूनही प्राथमिक शिक्षकांना निवडणूक कामासाठी प्राथमिक शिक्षकांवर वारंवार जबाबदारी दिली जाते. त्यामुळे ही कामे कमी करावीत. अशी मागणी करत, आज (.21) जिल्ह्यातील प्राथमिक शिक्षक व शिक्षकेतर महासंघाने न्याय न मिळाल्यास न्यायालयात जाण्याचा इशारा दिला. 

महासंघाने निवासी उपजिल्हाधिकारी भागवत डोईफोडे, निवडणूक तहसिलदार प्रशांत पाटील यांना निवेदन दिले आता याप्रकरणी येत्या सोमवारी (ता.23) जिल्हाधिकारी कार्यालयात बैठक होणार आहे. राज्य खाजगी प्राथमिक शिक्षक व शिक्षकेतर महासंघाचे अध्यक्ष नंदलाल धांडे, कार्याध्यक्ष रमेश अहीरे, सचिव सुनिल बिरारी, मीनाक्षी गायधनी, वैशाली मोरे, पोर्णिमा पगारे, अतुल परदेशी, पुष्पा लांडगे, कल्पना पाटील, ज्योती देशमुख, दिलीप पाटील, मनोहर गायकवाड, स्वप्निल पाटील, सुवर्णा निकम आदिंसह शिक्षक, शिक्षकेतर कर्मचारी उपस्थित होते.

ठराविक कामकाजासाठी हे सारे 

निवडणुक आयोगाकडून मतदार पडताळणी कार्यक्रम राबवला जातो. त्यासाठी घरोघरी जावून बीएलओंना मतदारांची नोंदणी करणे तसेच मतदार पडताळणीसाठी शिक्षकांची नियुक्ती करतांना ठराविक शाळा, ठराविक शिक्षक तसेच महिला शिक्षकांना मोठया संख्येने निवडणुकीच्या कामकाजासाठी घेतले जाते. मात्र मोठया प्रमाणावर शाळेतील शिक्षक निवडणूक कामासाठी गेल्यास त्याचा परिणाम विद्यार्थ्यांच्या शिक्षणक्रमावर होतो. यामुळे विद्यार्थ्यांचे शैक्षणिक नूकसान होते. तसेच शाळेच्या मुख्याध्यापकांना निवडणूक कामकाजाबाबत अनुपस्थित राहील्यास नोटीसा बजावल्या जातात. 

ठराविकांचीच अडवणूक 
निवडणूकीच्या ड्युट्या लावतांना, त्याच त्या शाळा आणि तेच त्या शिक्षकांकडून कामे करुन घेतली जातात. असाही महासंघाचा आक्षेप आहे. शिक्षकांना त्यांच्या परिसरात व्यतिरिक्त इतर विभागात निवडणूकीचे कामकाज दिले जात असल्याने हे काम करतांना बीएलओंना अडचणी येतात. त्यांच्या अडचणी समजून न घेता काम कमी केल्यास शिक्षकांना नोटीसा बजावल्या जातात ही बाब अन्यायकारक असून प्राथमिक शिक्षकांना या कामातून वगळावे अशी मागणी या निवेदनाव्दारे करण्यात आली. मात्र प्रशासनाने याबाबत योग्य ती कार्यवाही न केल्यास न्यायालयात धाव घेण्याचा इशारा प्राथमिक शिक्षक संघटनेने केला. 

अशैक्षणिक कामे देऊ नये

निवडणूक कामासाठी प्राथमिक शिक्षकांची नियुक्ती केली जाते. त्यामुळे विद्यार्थ्यांचे शैक्षणिक नुकसान होते. नुकसान टाळण्यासाठी प्राथमिक शिक्षकांना अशैक्षणिक काम देउ नये ही आमची मागणी आहे. बीएलओ म्हणून महिला शिक्षकांना काम करतांना अडचणी येतात. अधिकाऱ्यांशी चर्चा झाली असून येत्या सोमवारी बैठक बोलावण्यात आली आहे. यावर तोडगा न निघाल्यास न्यायलयात धाव घेण्याचा निर्णय घेण्यात आला आहे. 
नंदलाल धांडे, अध्यक्ष शिक्षक महासंघ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com