अबब...काय सांगतात.. एकाच दिवशी पकडले की.. सात अजगर !

 चोपडा ः चोपडा शिवारात एकाच ठिकाणी पाच, तर खेडीभोकरी शिवारात दोन अजगर आज आढळून आले. अजगर पाहून शेतकरी भयभीत झाले होते. सर्पमित्रांनी त्यांना पकडून शेतकऱ्यांच्या मदतीने जंगलात सोडले. याबाबत  तालुक्यात चांगलीच चर्चा रंगली. 

चोपडा येथील अनंत मोतीलाल चौधरी (बस वाहक) यांच्या शेतात आज दुपारी बाराच्या सुमारास एकाच बिळात १२ फूट लांबीचे पाच अजगर, तर खेडीभोकरी- मंगरूळ रस्त्यावरील शिवारातील गट क्रमांक ६८मध्ये अनिल वासुदेव पाटील यांच्या शेतात ६ फूट लांबीचे दोन अजगर आढळून आले. अनिल पाटील यांनी सर्पमित्र सागर बडगुजर व संदीप मालचे यांना पाचारण केले. सर्पमित्रांनी लागलीच इतर शेतकऱ्यांच्या मदतीने अजगर पकडून जंगलात सोडण्यात आले. त्यावेळी चोपडा येथील शेतकरी अनंत मोतीलाल चौधरी यांनीही आपल्या शेतात अजगर असल्याची माहिती मजुरांनी दिली होती. मजूर कामास जाण्यास भीत होते. त्यांनीही सर्पमित्रांना बोलावून एकाच बिळातून पाच अजगर पकडले. अजगरांची लांबी जास्त असल्याने त्यांना पकडण्यात अडचणी येत होत्या. अथक परिश्रम करून सातही अजगरांना पकडण्यात सर्पमित्रांना यश आले.

क्‍लिक कराःधक्कादायक..शिक्षणाधिकाऱ्यांची बनावट स्वाक्षरी केली तयार...आणि केली शिक्षक भरती ! 
 

यावेळी उपवनसंरक्षक अधिकारी व्ही. एच. पवार, वनक्षेत्रपाल पांडुरंग भिका पाटील, वनरक्षक सीमा भालेराव, नाकेदार के. एल. धनगर, किरण पाटील, आय. एम. बुवा यांचे पथकही यावेळी उपस्थित होते. अजगर पकडून वनविभागाच्या अधिकाऱ्यांकडे सातही अजगर सुपूर्द करण्यात येऊन ते जंगलात सोडून देण्यात आले. यावेळी शेतकरी अजय सोनवणे, भय्या महाजन, संतोष महाजन मजूर यांनी सहकार्य केले. 

नक्की वाचा :  न्यायालयाने केले आश्‍वस्त ... आणि सहा दिवसांनी स्वीकारला मृतदेह