तहसीलचे कुलूप तोडून चोरलेले ट्रॅक्‍टर मोहाडीत 

जळगाव : अवैधरित्या वाळूची वाहतूक करणाऱ्या ट्रॅक्‍टरवर कारवाई करुन हे ट्रॅक्‍टर दंड वसुलीसाठी तहसील कार्यालयात कुलूपबंद गेट मध्ये उभे केले होते. ट्रॅक्‍टर परस्पर पळवून नेल्याची घटना बुधवारी मध्यरात्री घडली याप्रकरणी शहर पोलीसत गुन्हाही दाखल आहे. पोलिस अद्याप या ट्रॅक्‍टरचा शोध लावू शकले नसले तरी, हे ट्रॅक्‍टर मोहाडी शिवारात असल्याची खात्रीलायक माहिती समोर आली आहे. 

अवैध वाळू वाहतूक करणाऱ्या ट्रॅक्‍टरबाबबत तहसीलदार वैशाली हिंगे यांच्या पथकाने 4 एप्रिल रोजी मोहाडी शिवारातून चालक रुपचंद गुलचंद साळुंखे (वय 33 रा. मोहाडी) याच्या ताब्यातील ट्रॅक्‍टर (क्र. एम.एच-19 सी 3277) हे ट्रॅक्‍टर जप्त केल होते. जप्त ट्रॅक्‍टर बळीराम पेठेतील तहसील कार्यालय आवारात उभे करण्यात आले होते. संध्याकाळी कार्यालय बंद झाल्यावर लोखंडी मुख्य प्रवेशद्वाराला कूलूप लावण्यात आले असतांना ते कुलूप तोडून ट्रॅक्‍टर पळवण्यात आले होते. या प्रकरणी मंडळ अधिकारी रविंद्र उगले यांच्या तक्रारीवरुन शहर पोलिस ठाण्यात ट्रॅक्‍टर मालक सतिष संजय उर्फ ईश्‍वर कोळी (सोनवणे) रा. मोहाडी याच्या विरुद्ध गुन्हाह ीदाखल करण्यात आला होता. गुन्ह्याचा तपास पोलिस नाईक सुनील पाटिल करीत होते. गुन्हा दाखल होवून चोविस तास उलटत नाही तोवर चोरीला गेलेले ट्रॅक्‍टर मोहाडी येथे असल्याची माहिती समोर आली. पोलिसांनी तपासाला सुरवात करण्या अगोदरच ट्रॅक्‍टरचा ठाव ठिकाणा लागला असून एका राजकिय पुढाऱ्याच्या आश्रयात ट्रॅक्‍टर असल्याचे समोर आले आहे. 

मालकानेच े ट्रॅक्‍टर चोरले. 
मंगळवार (ता.7 )एप्रिलपर्यंत हे ट्रॅक्‍टर तहसील कार्यालयाच्या आवारात उभे होते. दिवस उजाडण्या पुर्वीच चोरट्यांनी गेटचे कुलूप तोउून ट्रॅक्‍टर लंपास केले होते. 
 

आर्वजून पहा : "लॉकडाउन'मध्ये संकल्पना...तरुणाने थाटला "ऑनलाइन' भाजीबाजार