जळगाव मनपा शंभर गाळेधारकांना देणार नोटीस 

जळगाव : महापालिकेच्या गोलाणी संकुलात उपायुक्त अजित मुठे यांनी बुधवारी  सायंकाळी अचानक पहिल्या मजल्याची पाहणी केली. पाहणीदरम्यान दोन दुकानांचे एक दुकान तसेच अंतर्गत केलेले बदल हे विनापरवागी केल्याचे सुमारे शंभर गाळे आढळून आले. त्यानुसार महापालिका या गाळेधारकांना नोटिसा बजावणार आहे. 

महापालिकेच्या मालकीची शहरात 28 व्यापारी संकुले आहेत. त्यापैकी 20 संकुलांची मुदत संपली असून, गाळेधारकांचा अजून प्रश्‍न मिटलेला नाही. मुदत अजून बाकी असलेल्या संकुलामधील गोलाणी मार्केटमध्ये अनेक गाळेधारक परवानगी न घेता अंतर्गत बदल, बांधकाम होत असल्याच्या तक्रारी महापालिका प्रशासनाकडे प्राप्त होत होत्या. त्यानुसार बुधवारी उपायुक्त मुठेंनी अचानक गोलाणी संकुलाच्या पहिल्या मजल्याच्या दुकानांची पाहणी केली. यात सुमारे शंभर दुकाने विनापरवानगी बदल केल्याची आढळून आली. यावेळी पाहणीदरम्यान किरकोळ वसुली विभागाचे प्रमुख नरेंद्र चौधरी, विधी विभागाचे किरण भोळे, अतिक्रमण निर्मूलन अधीक्षक एच. एम. खान यांच्यासह कर्मचारी उपस्थित होते. 

क्‍लिक कराः  यावला बॅटरीचा स्फोटात; चार मजूर गंभीर जखमी 
 

एक-दोन ठिकाणी वाद 
दुकानांची पाहणी करत असताना एक दोन ठिकाणी गाळेधारकंनी महापालिकेच्या अधिकारी व कर्मचाऱ्यांशी वाद घातला. कर्मचारी व अधिकऱ्यांनी नियमांचे उल्लंघन केल्याची माहिती दिल्यानंतर गाळेधारक नरमले. 

आर्वजून पहा : कुटूंबीय लग्नाच्या तयारीत...तेवढ्यात पडला छापा ! 
 

दोन गाळ्यांचे एक दुकान 
"गोलाणी'त गाळ्यांच्या पाहणीत दोन दुकानांचे एक दुकान विनापरवागी केल्याचे मोठ्या प्रमाणात आढळून आले. त्यात दुकानांमध्ये अंतर्गत केलेले बांधकाम, पार्टिशन, असे अनेक प्रकार या पाहणीतून आढळून आले आहे. 

81 "ब'नुसार बजावणार नोटिसा 
पाहणीदरम्यान विनापरवानगी बांधकाम केल्याचे आढळून आलेल्या गाळेधारकांना महापालिका 81 "ब'नुसार नोटिसा दिल्या जाणार आहे. त्यानंतर महापालिका प्रशासन गाळेधारकांवर कोणत्या प्रकारची कारवाई करायची, हे ठरविणार आहे. 

नक्की वाचा : अरे वा...142 शेतकऱ्यांची कर्जमाफीची रक्कम प्राप्त