"परिवर्तन चॅलेंज'मधून लिहा "आनंदाचे क्षण' 

parivaratan
parivaratan

जळगाव : "लॉकडाउन' म्हणजे कंटाळवाणा, घरात बसून बसून कंटाळा येतोय. ना कुठे कार्यक्रमाला जाणे ना कुठे फिरस्ती...अशात आपल्या जुन्या आठवणींना उजाळा देण्यासाठी बरेचजण फोटो पाहण्यात वेळ घालवतात. तर जुन्या आठवणी एकमेकांना सांगत असतात. असाच एक उपक्रम "परिवर्तन'ने "आनंदाचे क्षण'च्या माध्यमातून सुरू केला आहे. अर्थात जे लेखक नाही, अशांना देखील हे एक लिहिण्यासाठीचे व्यासपीठ खुले केले आहे. याला प्रतिसाद देखील मिळत आहे. 


जळगाव परिवर्तन संस्थेने लिखाणाचे व्यासपीठ मिळवून देण्यासाठी रसिकांसाठी अनोखा उपक्रम खुला केला आहे. परिवर्तनमधील सदस्यांसाठी सुरू केलेल्या या उपक्रमाला बाहेरून देखील प्रतिसाद मिळू लागला. यामुळे "परिवर्तन जळगाव' या फेसबुक पेजवर "परिवर्तन चॅलेंज' या पेजवर खुले व्यासपीठ सुरू झाले. गेल्या महिनाभरापासून फेसबुक युजर्ससाठी हे खुले केले असून, यास प्रतिसाद देखील तसा मिळत आहे. 

अन्‌ आनंदातील आठवणी उमटल्या 
"परिवर्तन'ने आपल्यापुरता मर्यादित ठेवलेला हा उपक्रम एका विचारातून सर्वांसाठी खुला करण्याचा निर्णय घेतला. अर्थात यात काही कायम लिखाण करणारे तर काहीजण कधीही लिखाण न करणाऱ्यांनी देखील "परिवर्तन आनंदाचे क्षण' यावर लिहिण्यास सुरवात केली. परिवर्तनच्या या उपक्रमाला महाराष्ट्रातूनच नाही तर महाराष्ट्र बाहेरून देखील चांगला प्रतिसाद देखील मिळू लागला. आतापर्यंत यात 70 जणांनी लिखाण करून आपल्या जुन्या आठवणीतील आनंदाचे क्षण लिखाणातून उतरवले आहेत. 

"ई- बुक' तयार करणार 
हा अनोखा उपक्रम सुरू करताना त्याची संपूर्ण जबाबदारी परिवर्तनचे ज्ञानेश्‍वर शेंडे यांच्याकडे देण्यात आली. परिवर्तनच्या पेजवर लिखाण करणाऱ्यांची माहिती साठविली जात आहे. लॉकडाउनच्या काळात यावर आनंदाचे क्षण मांडणाऱ्यांचे काही किस्से, गंमती- जंमती मांडल्या जात आहेत. या साऱ्यांचे एकत्रीकरण करून त्याचे पुस्तक प्रकाशन किंवा ई- बुक तयार करण्याचा मानस परिवर्तनचा आहे. याची संपूर्ण जबाबदारी ही ज्ञानेश्‍वर शेंडे सांभाळणार आहेत. 

परिवर्तन ग्रुप'साठी उपक्रम सुरू केला होता. त्यास बाहेरून देखील प्रतिसाद मिळत गेला. आठवणीतले क्षण सांगायला लोकांना आवडले, यातून हे सगळ्यांसाठी खुले केले. आता महाराष्ट्र व बाहेरून देखील प्रतिसाद मिळत आहे. 
- मंजूषा भिडे, सदस्य, परिवर्तन जळगाव. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com