National People Court : लोकअदालतीत पावणेदोन कोटींची नुकसानभरपाई

National People Court : नाशिक जिल्हा विधिसेवा प्राधिकरणाच्या वतीने बुधवारी (ता. २५) विशेष लोकअदालतीचे आयोजन करण्यात आले.

या वेळी ७८ प्रकरणांपैकी २९ प्रकरणे निकाली काढण्यात आली. यात नुकसान भरपाईपोटी एक कोटी ७८ लाखांची वारसांना मिळाली. (2 crore compensation in Lok Adalat nashik news)

नाशिक जिल्हा व सत्र न्यायालयात आयोजित करण्यात आलेल्या या राष्ट्रीय लोकअदालतीत विमा कंपन्याविरोधोतील नुकसानभरपाई व भूसंपादनाच्या नुकसानभरपाई संदर्भातील ७९ प्रकरणे ठेवण्यात आली होती.

त्यापैकी २९ प्रकरणांचा निपटारा करण्यात आला. जिल्हा विधिसेवा प्राधिकरणाचे अध्यक्ष तथा जिल्हाप्रमुख न्यायाधीश एस. डी. जगमलानी यांच्या मार्गदर्शनाखाली झालेल्या लोकअदालतीत पॅनलप्रमुख म्हणून सेवानिवृत्त जिल्हा न्यायाधीश डी. डी. देशमुख व सदस्य म्हणून ॲड. पी. पी. जोशी यांनी काम पाहिले.

अपघातातील जखमी पक्षकारांसह मृतांच्या वारसांना एक कोटी ७८ लाख ६७ हजार ८८५ रुपयांची नुकसानभरपाई मिळाली आहे. तसेच ९ डिसेंबरला राष्ट्रीय लोकअदालतीचे आयोजन करण्यात आल्याची माहिती जिल्हा विधिसेवा प्राधिकरणाचे सचिव शिवाजी द. इंदलकर यांनी दिली.