Corona update : जिल्‍ह्‍यात 49 पॉझिटिव्‍ह

नाशिक : जिल्‍ह्‍यात एकीकडे नव्‍याने आढळणाऱ्या बाधितांच्‍या (Corona patients) संख्येत वाढ होत असताना, कोरोनामुक्‍त होणाऱ्या रूग्‍णांचे प्रमाणही वाढते आहे. रविवारी (ता.३) जिल्‍ह्‍यातील ४९ रूग्‍णांचे कोरोनाचे अहवाल पॉझिटिव्‍ह (Positive cases) आले. ४३ रुग्‍णांनी कोरोनावर यशस्‍वीरीत्‍या मात केल्‍याची नोंद आहे. यातून ॲक्‍टिव्‍ह रुग्‍ण संख्येत सहाने वाढ झाली आहे. सद्यःस्‍थितीत जिल्‍ह्‍यात ३७८ बाधितांवर उपचार सुरु आहेत. (49 positives in the district Nashik Corona update News)

नाशिक महापालिका क्षेत्रातील २६, नाशिक ग्रामीणमधील १९, मालेगाव महापालिका क्षेत्र व जिल्‍हा बाहेरील प्रत्‍येकी दोन रुग्‍णांचे कोरोनाचे अहवाल रविवारी पॉझिटिव्‍ह आले. सध्या जिल्‍ह्‍यात ३७८ बाधितांवर उपचार सुरु आहेत. यापैकी सर्वाधिक २४६ बाधित नाशिक महापालिका क्षेत्रातील आहेत. नाशिक ग्रामीणमधील ११०, मालेगाव ७, जिल्‍हा बाहेरील पंधरा बाधितांवर उपचार सुरु आहेत. सक्रिय रुग्‍णांपैकी ४९ बाधितांमध्ये कोरोनाविषयक लक्षणे आढळलेली आहेत. प्रलंबित अहवालांच्या संख्येत घट झाली असून, सायंकाळी उशीरापर्यंत अवघे पंधरा अहवाल प्रलंबित होते. हे सर्व प्रलंबित अहवाल नाशिक महापालिका क्षेत्रातील रुग्‍णांचे होते.