नाशिक : जिल्ह्याची ॲक्‍टिव्‍ह रुग्‍ण 8 हजारांच्‍या उंबरठ्यावर | Nashik Corona Updates | Sakal
sakal

बोलून बातमी शोधा

Nashik Corona Updates
नाशिक : जिल्ह्याची ॲक्‍टिव्‍ह रुग्‍ण 8 हजारांच्‍या उंबरठ्यावर | Nashik Corona Updates

नाशिक : जिल्ह्याची ॲक्‍टिव्‍ह रुग्‍ण 8 हजारांच्‍या उंबरठ्यावर

नाशिक : जिल्‍ह्‍यात दैनंदिन कोरोना (Corona) बाधितांची संख्या वाढतच चालली आहे. तसेच उपचार घेणाऱ्या बाधितांची संख्या आठ हजरांच्‍या उंबरठ्यावर पोहोचली आहे. गुरुवारी (ता.१३) जिल्‍ह्‍यात एक हजार ९२५ रुग्‍णांचे कोरोनाचे अहवाल पॉझिटिव्‍ह आले आहेत. ८१४ रुग्‍णांनी कोरोनावर यशस्‍वीरीत्‍या मात केली आहे. मृतांचा आकडा निरंक राहिला. यातून ॲक्‍टिव्‍ह रुग्‍ण संख्येत एक हजार १११ ने वाढ झाली आहे. सद्यःस्‍थितीत जिल्‍ह्‍यात सात हजार ८२४ बाधितांवर उपचार सुरु आहेत.

ॲक्‍टिव्‍ह रुग्‍ण संख्येत सरासरी एक हजाराने रोज वाढ होते आहे. गुरुवारी सर्वाधिक एक हजार ३६८ कोरोना बाधित नाशिक महापालिका क्षेत्रात आढळले. तर नाशिक ग्रामीण भागातील ४२८ रुग्‍णांना कोरोनाची लागण झाली आहे. मालेगावमध्येही कोरोनाचा फैलाव होऊ लागला असून, येथील ४७ रुग्‍णांना कोरोनाची लागण झाली आहे. जिल्‍हा बाहेरील ८२ रुग्‍णांचे कोरोनाचे अहवाल पॉझिटिव्‍ह आले आहेत. मृतांची संख्या निरंक राहिल्‍याची दिलासादायक बाब आहे.
सायंकाळी उशीरापर्यंत दोन हजार ५११ अहवाल प्रलंबित होते. यापैकी एक हजार ८६३ प्रलंबित अहवाल नाशिक ग्रामीण भागातील आहेत. नाशिक शहरातील ५२१, मालेगावच्‍या १२७ रुग्‍णांना अहवालाची प्रतीक्षा होती.

हेही वाचा: नाशिक शहरात कोरोना संसर्गाचा विस्फोट

पॉझिटिव्‍हीटी दर 25.99 वर

जिल्‍ह्‍यात एकूण चाचण्यांमध्ये आढळणार्या कोरोना बाधितांची संख्या वाढते आहे. गुरुवारी नाशिक जिल्‍ह्‍याचा पॉझिटिव्‍हीटी दर २५.९९ टक्‍के राहिला. यात सर्वाधिक २९.१९ टक्‍के पॉझिटिव्‍हीटी दर नाशिक महापालिका क्षेत्रातील आहे. तर नाशिक ग्रामीणमधील १७.९२ टक्‍के पॉझिटिव्‍हीटी दर राहिला. मालेगावचा दर २४.३५ टक्‍के आहे.


ॲक्‍टिव्‍ह रुग्‍ण संख्या अशी -

नाशिक महापालिका क्षेत्र --- 6088

नाशिक ग्रामीण क्षेत्र --- 1284

मालेगाव महापालिका क्षेत्र --- 138

जिल्‍हा बाहेरील बाधित --- 314

हेही वाचा: संक्रांतीची तयारी जोमात, वातावरणामुळे उत्साह कोमात!

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top