प्रेमसंबंधास तिचा नकार...मद्यपी प्रियकराने भररस्त्यात केला 'असा' धक्कादायक प्रकार

नाशिक : 'तू फक्त माझी आहेस, तू मला सोडून जाऊ नको'...मात्र प्रेमसंबंध ठेवण्यास महिलेचा नकार...वारंवार विचारून देखील ती काही ऐकेना...अन् मग मद्यपी प्रियकराने भररस्त्यात येऊन केला असा धक्कादायक प्रकार... 

असा आहे प्रकार

संशयित आरोपी अजित कैलास आहेर (रा. धर्माजी कॉलनी, शिवाजीनगर) आणि पीडित महिला हे एकमेकांचे ओळखीचे असून, त्यांच्यात प्रेमसंबंध होते. परंतु फिर्यादी महिलेने अजितसोबत असलेले संबंध तोडून टाकले होते. असे असतानाही आरोपी अजितने फिर्यादी भवर टॉवरसमोर बुधवारी (दि.२२) भाजीपाला घेत असताना रिक्षातून येऊन फिर्यादीस प्रेमसंबंध तोडल्याचा जाब विचारत वाद घातला. यावेळी त्याने मद्यपान केलेले होते. मद्यपान करून त्याने पीडितेस अर्वाच्य भाषेत डोक्यात दगड घालून मारहाणही केली. या मारहाणीत महिला जखमी झाली असून, तिने दिलेल्या फिर्यादीनुसार गंगापूर पोलीस ठाण्यात गुन्हा दाखल करण्यात आला आहे.  

 हेही वाचा > कोरोनाचा भयानक काळ...अशातही 'तिने' क्षणाचाही विलंब न लावता दिला पार्थिवाला खांदा! काय घडले वाचा

महिलेने प्रेमसंबध ठेवण्यास नकार दिल्याने तिच्या मद्यपी प्रियकराने तिच्या डोक्यात दगड मारून जखमी केले तसेच मारहाणही केल्याने परिसरात खळबळ उडाली. विशेष म्हणजे महिला भाजीपाला खरेदीसाठी घराबाहेर पडलेली असताना हा प्रकार घडला असून या प्रकारामुळे महिलांच्या सुरक्षेचा मुद्दा पुन्हा ऐरणीवर आला आहे.

 हेही वाचा > VIDEO : बघ्यांची भरलेली जत्रा बघताच बिबट्या बिथरतो तेव्हा....काय घडले?

(संपादन - किशोरी वाघ)