बनावट साठेखत करून फ्लॅटची परस्पर विक्री | Fraud News Nashik | Sakal
sakal

बोलून बातमी शोधा

Fraud case

बनावट साठेखत करून फ्लॅटची परस्पर विक्री

नाशिक : नाशिक रोड परिसरातील धोंगडे नगरमध्ये नवीन इमारतीमध्ये फ्लॅट देण्याचे आमिष दाखवून त्याचे बनावट साठेखत तयार केले. मात्र, सदरचा फ्लॅट परस्पर दुसऱ्याला विकून महिलेची तीन लाखांची फसवणूक केल्याप्रकरणी नाशिक रोड पोलिसात गुन्हा दाखल करण्यात आला आहे. दरम्यान, सदर गुन्हा नाशिक रोड दिवाणी न्यायालयाच्या आदेशान्वये दाखल करण्यात आला आहे.

कविता किरण धोंगडे (रा. माधव शिल्प अपार्टमेंट, दत्तमंदिर रोड, नाशिक रोड) यांच्या फिर्यादीनुसार, संशयित महेश गंगवाणी, विजय गंगवाणी, दिलीप गंगवाणी (तिघे रा. कृपा लॉजिंग, साई किरण फर्निचरजवळ, दत्तमंदिर रोड नाशिक रोड) व मधू लक्ष्मण महतानी (रा. सेव्हन वंडर्स, स्वामी समर्थ मंदिरामागे दत्तमंदिर रोड, नाशिक रोड), नितीन मधुकर जगळे (रा. शिवतीर्थ बंगला, जगताप मळा, नाशिक रोड) यांच्याविरोधात गुन्हा दाखल करण्यात आला आहे.

हेही वाचा: स्वस्त सोने खरेदीचे आमिष पडले महागात; दाम्पत्याला साडेचार लाखांचा चुना

संशयितांनी शिवाजी धोंगडे मार्गावरील भूखंडावर हेमगिरी बिल्डर्सतर्फे हिमगिरी हाईट्स या नावाची चार मजली इमारती बांधण्यात येत असल्याचे तक्रारदार कविता धोंगडे यांना सांगितले. यासंदर्भात संशयितांनी १ एप्रिल २०११ ते १ जून २०११ यादरम्यान महिलेशी वारंवार संपर्क साधून त्यांना नियोजित बिल्डिंगमध्ये दुसऱ्या मजल्यावरील फ्लॅट २०२ हा ९८६ चौरस फुटाचा फ्लॅट देण्याचे आमिष दाखविले.

त्यानुसार संशयितांनी बनावट साठेखत करून महिलेकडून तीन लाख रुपये घेतले. मात्र सदरील फ्लॅट कविता धोंगडे यांना न देता, तो दुसऱ्याला विकून त्यांची फसवणूक केली. सदरची बाब समोर आल्यानंतर धोंगडे यांनी नाशिक रोड दिवाणी न्यायालयात धाव घेतली. त्यानुसार न्यायालयाने गुन्हा दाखल करण्याचे आदेश नाशिकरोड पोलीसांना देत गुन्हा दाखल झाला आहे. तपास सहाय्यक निरीक्षक डगळे करीत आहेत.

हेही वाचा: स्पेशल 26' चित्रपटाच्या कथेप्रमाणे "एसीबी'चे अधिकारी असल्याचे भासवून थेट नगररचना उपसंचालकालाच लुटण्याचा प्रयत्न

Web Title: Case Registered In Nashik Road Police Due To Cheating With Woman 3 Lakh Rs Nashik News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..